కోటిన్న‌ర క‌రోనా వ్యాక్సిన్ డోసులు వృథా

న్యూయార్క్‌: ఒకే డోసుతో క‌రోనాకు చెక్ పెట్టేలా జాన్సన్ అండ్ జాన్స‌న్ అభివృద్ది చేసిన‌ కరోనా వ్యాక్సిన్‌కు పెద్ద దెబ్బ ప‌డింది. ఆ వ్యాక్సిన్‌ను ఉత్ప‌త్తి చేస్తున్న సంస్థ ఎమ‌ర్జెంట్ బ‌యో సొల్యూష‌న్స్ నాణ్య‌తా ప్ర‌మాణాలు పాటించ‌కోవ‌డం వ‌ల్ల ఏకంగా కోటిన్న‌ర డోసుల వ్యాక్సిన్ వృథా అయిన‌ట్లు న్యూయార్స్ టైమ్స్ వెల్ల‌డించింది. ఈ విష‌యాన్ని జాన్స‌న్ అండ్ జాన్స‌న్ ధృవీక‌రించినా.. క‌చ్చితంగా ఎన్ని డోసులు వృథా అయ్యాయో మాత్రం చెప్ప‌లేదు. నాణ్య‌తా ప్ర‌మాణాలు పాటించ‌క‌పోవ‌డం వ‌ల్ల‌ ఓ బ్యాచ్ డోసులు మొత్తం వృథా అయ్యాయ‌ని ఆ సంస్థ చెప్పింది.

అస‌లు ఈ వ్యాక్సిన్ల‌ను ఫిల్లింగ్ స్టేజీకి కూడా తీసుకెళ్ల‌లేద‌ని తెలిపింది. నాణ్య‌త‌, భ‌ద్ర‌తే త‌మ ప్రాధాన్యాల‌ని జాన్స‌న్ అండ్ జాన్స‌న్ తేల్చి చెప్పింది. అయితే సాధ్య‌మైనంత త్వ‌ర‌గా త‌మ సింగిల్ డోస్ వ్యాక్సిన్‌ను ప్ర‌జ‌ల‌కు అందుబాటులోకి తీసుకురావాల‌నుకుంటున్న ఆ సంస్థ‌కు ఈ వృథా పెద్ద దెబ్బే వేసింది. అటు అమెరికాకు చెందిన ఫుడ్ అండ్ డ్ర‌గ్ అడ్మినిస్ట్రేష‌న్ కూడా ఈ వృథాపై విచార‌ణ జ‌ర‌ప‌డానికి సిద్ధ‌మ‌వుతోంది. జాన్స‌న్ అండ్ జాన్స‌న్ కూడా మ‌రింత మంది నిపుణుల‌ను విచార‌ణ కోసం ఎమ‌ర్జెంట్ సంస్థ ద‌గ్గ‌ర‌కి పంపిస్తోంది.

ఇవీ కూడా చ‌ద‌వండి..

ర‌జ‌నీ‌కి దాదా సాహెబ్ అవార్డు.. క‌మ‌ల్‌హాస‌న్ రియాక్ష‌న్ ఇదీ

ఈ 9 న‌గ‌రాల్లో 2023 ఫుట్‌బాల్‌ వ‌ర‌ల్డ్‌క‌ప్‌

గంట‌ల్లోనే దిగి వ‌చ్చిన మోదీ సర్కార్‌.. వ‌డ్డీ రేట్ల కోత ఆదేశాలు వెన‌క్కి

చెన్నై సూప‌ర్ కింగ్స్ ప్రాక్టీస్‌.. నెట్స్‌లో చెమ‌టోడ్చిన‌ ధోనీ, రైనా

తెలంగాణలో కొత్తగా 887 కరోనా కేసులు

క‌రోనా విల‌యం.. 500 మంది చిన్నారుల‌కు పాజిటివ్

టీకా తీసుకున్న గంగ‌వ్వ‌.. నొప్పికి గ‌ట్టిగా కేకలు

ఏపీలో లాక్‌డౌన్‌.. ఎక్కడంటే..?