పాత పద్ధతిలోనే నాలాల నిర్వహణ
- ప్రైవేట్ ఏజెన్సీల అప్పగింతపై వెనుకడుగు వేసిన అధికారులు
- ఖర్చు అధికం కావడమే కారణం..

సిటీబ్యూరో, నవంబర్ 24 (నమస్తే తెలంగాణ): గ్రేటర్లో నాలాల పూడికతీత పనులను పాత పద్ధతిలోనే నిర్వహించాలని అధికారులు తాజాగా నిర్ణయించారు. సమగ్ర రోడ్ల నిర్వహణ కార్యక్రమం (సీఆర్ఎంపీ) తరహా నాలాల నిర్వహణను జోనల్ వారీగా ప్రైవేట్ ఏజెన్సీలకు అప్పగించాలని భావించిన జీహెచ్ఎంసీ అధికారులు సాధ్యాసాధ్యాలపై అధ్యయనం జరిపారు. ఏడాదికి నాలాల పూడికతీత కోసం రూ.25 కోట్ల మేర ఖర్చు చేస్తుండగా, ఈ పనులు పారదర్శకంగా ఉండటం లేదన్న ఆరోపణలు వెల్లువెత్తడంతో ప్రైవేట్ ఏజెన్సీలకు అప్పగించేలా నిబంధనలకు రూపకల్పన చేశారు.
టెండర్ నిర్వహణ కసరత్తులో భాగంగా ఒక్కో యంత్రం రోజుకు ఎన్ని గంటలు పనిచేయాలి? ఎన్ని యంత్రాలు ఉండాలి? ఏ రకం యంత్రాలు ఉపయోగించాలనేది? పూడికమట్టి రోడ్డుపై పడకుండా డంపింగ్ యార్టుకు తరలించడం? ప్రత్యేక రకం ట్రాలీలున్న టిప్పర్లను ఉపయోగించడం? ఇరుకు గల్లీల్లో తిరుగుతూ వాటి మధ్యలో ప్రవహించే నాలాల పూడికతీతకు చిన్నపాటి జేసీబీలు, ట్రక్కులు, ప్రత్యేక రకం ట్రాలీలున్న టిప్పర్ల వినియోగంపై సమగ్ర నివేదిక సిద్ధం చేశారు. ప్రస్తుతం కంటే ఏడాదికి అదనంగా రూ.30 కోట్ల మేర నిర్వహణ భారం పడుతుందని తేల్చారు. ఐదేండ్లకు గానూ రూ. 150 కోట్ల మేర అవుతున్న అదనపు ఖర్చు భరించలేమని భావించిన అధికారులు పాత పద్ధతి వైపే మొగ్గు చూపారు. అన్నింటికంటే ముఖ్యంగా జోరు వర్షాలు, అత్యవసర సమయాల్లో ప్రైవేట్ ఏజెన్సీలు పనులు చేపట్టడం కత్తిమీద సాములా ఉంటుందని తేల్చారు.
సంస్కరణలతో మెరుగ్గా నిర్వహణ..
నాలాల నిర్వహణను పాత పద్ధతిలోనే చేపట్టాలని నిర్ణయించిన జీహెచ్ఎంసీ అధికారులు మెరుగైన సంస్కరణలకు శ్రీకారం చుడుతున్నారు. గతంలో కంటే చిన్నచిన్న భాగాలుగా విభజించి పనులు అప్పగించనున్నారు. అంతేకాకుండా సామాజిక తనిఖీలు నిర్వహించనున్నారు. పనులు జరిగిన తీరు, నిర్వహణ మొత్తంపై స్థానికుల అభిప్రాయాలు తీసుకుంటారు. టెండర్ ప్రక్రియ నుంచి పనుల పూర్తి వరకు మొబైల్ యాప్తో పర్యవేక్షించనున్నారు. క్షేత్రస్థాయి అధికారి నుంచి కమిషనర్ వరకు నిత్యం పనులను మొబైల్ యాప్లో పనులను పరిశీలిస్తారు.
Read Today's Latest News News in Telugu and Telugu News
RELATED ARTICLES
తాజా వార్తలు
Health tips | మంచినీళ్లు తక్కువ తాగితేనే కాదు.. మరీ ఎక్కువ తాగినా ఆరోగ్యానికి హానికరమే..!
Nepal PM Balen Shah | భారత్ చేరుకున్న నేపాల్ ప్రధాని.. సోమవారం ప్రధాని మోదీతో చర్చలు
Festivals | పండుగల సమయంలో స్వీట్లను ఎక్కువగా తింటే షుగర్ లెవల్స్ ఎప్పటికీ అలాగే ఉంటాయా..?
JEE Main | ఈ రాత్రి 12 గంటలకు ముగియనున్న గడువు.. ఇప్పటికే 13 లక్షలు దాటిన జేఈఈ దరఖాస్తులు..!
Health tips | మీలో ఈ లక్షణాలుంటే ఆలస్యం చేయకుండా థైరాయిడ్ పరీక్షలు చేయించుకోండి..!
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

