మల్లె పూలు తీసుకెళ్లినందుకు లక్ష జరిమానా

మలయాళ నటి నవ్యా నాయర్‌ ఇటీవల ఆస్ట్రేలియాకు మల్లెపూలు పట్టుకెళ్లినందుకు రూ.1.14 లక్షల జరిమానా చెల్లించారు. ఆస్ట్రేలియా నిబంధనల ప్రకారం మల్లెపూలు తీసుకొస్తున్నట్టు ఆమె ప్రకటించకపోవడంతో ఈ జరిమానాను విధించారు.

• ఆస్ట్రేలియాలో మలయాళనటికి విధింపు

మెల్‌బోర్న్‌ : మలయాళ నటి నవ్యా నాయర్‌ ఇటీవల ఆస్ట్రేలియాకు మల్లెపూలు పట్టుకెళ్లినందుకు రూ.1.14 లక్షల జరిమానా చెల్లించారు. ఆస్ట్రేలియా నిబంధనల ప్రకారం మల్లెపూలు తీసుకొస్తున్నట్టు ఆమె ప్రకటించకపోవడంతో ఈ జరిమానాను విధించారు. మెల్‌బోర్న్‌ విమానాశ్రయంలో ఈ ఘటన జరిగింది. విక్టోరియాలోని మలయాళీ సంఘం నిర్వహించిన ఓనమ్‌ వేడుకల్లో అతిథిగా పాల్గొనేందుకు నవ్యా నాయర్‌ ఆస్ట్రేలియా వచ్చారు.

ఆమెకు ఎదురైన అనుభవం భారీ జరిమానాలను నివారించడానికి నిబంధనలను పాటించాల్సిన ఆవశ్యకతను తెలియజేసింది. ‘తెలియనితనానికి మన్నింపు ఉండదు’ అనే విషయాన్ని ఆమె అంగీకరించారు. తమ దేశ వ్యవసాయ పరిశ్రమలను బలమైన ప్రమాదాల నుంచి రక్షించడానికి ఆస్ట్రేలియా జీవ భద్రత నిబంధనలను కఠినంగా అమలు చేస్తుంది.