ఆ టైంలో నా భ‌ర్త‌ వేరే అమ్మాయిల పేర్లు పిలుస్తుంటాడు? న‌న్నేం చేయ‌మంటారు?

Advice | మేడమ్‌! మీ సలహా మీదే నా జీవితం ఆధారపడి ఉంది. నాకు పెండ్లయి ఏడేండ్లు అవుతున్నది. ఇప్పటి వరకూ పిల్లలు లేరు. మా ఆయన బిజినెస్‌ చేస్తున్నారు. దేనిలోనూ సక్సెస్‌ కాలేదు. పెండ్లయిన నెల రోజుల నుంచే వేధింపులు మొదలయ్యాయి. తాగొచ్చి కొట్టడం, బలవంతంగా అనుభవించడం, తనకు సంబంధం ఉన్న అమ్మాయిల పేర్లు ఉచ్చరించడం, వాళ్లతో నన్ను పోల్చడం.. గత ఏడేండ్లుగా నా కాపురం ఇలాగే కొనసాగుతోంది. అమ్మకు గుండె జబ్బు. అందుకే, ఈ విషయాలేవీ చెప్పలేను. నా జీవితం ఇలాగే కొనసాగాల్సిందేనా? విరక్తిగా ఉంది. నన్నేం చేయమంటారు? విడిపోయి ఒంటరిగా బతకగలనా? రోజు గడిస్తే.. మరుసటి రోజు ఏం అవుతుందోనన్న భయంతో బతకలేక పోతున్నా. నాకొక దారి చూపండి.

– ఓ సోదరి

నీలో నువ్వు చాలా ఘర్షణ పడుతున్నావు. ఘర్షణ పాజిటివ్‌ రూపం తీసుకొంటే.. నీ జీవితం బాగుపడుతుంది. భర్త అనే వ్యక్తి ఒక జీవన సహచరుడిగా, స్నేహితుడిగా, ప్రేమికుడిగా ఉండాలి. ఏ దంపతుల మధ్య అయినా సమాన సంబంధమే ప్రేమను, గౌరవాన్నీ నిలిపి ఉంచుతుంది. ఆధిపత్య సంబంధం ఆ బంధాన్ని బలహీన పరుస్తుంది. ఆ భావజాలంలోనే ఉన్న నీ భర్త.. నీ మీద హింసతో అధికారాన్ని చూపిస్తున్నాడు. దానికి నువ్వు లొంగి ఉండాల్సిన అవసరం లేదు. ఇద్దరి మధ్య సంబంధం హింస, బెదిరింపులతో కొనసాగనక్కర లేదు. నువ్వు మౌనంగా భరిస్తూ పోతే అతను మరింత రెచ్చిపోతాడు. అతని మీద పోలీస్‌ స్టేషన్‌లో ఫిర్యాదు ఇవ్వు. గృహ హింస కేసు పెట్టు. అతణ్ని భరించలేకపోతే తిరస్కరించి, విడిపోయే పూర్తి హక్కు నీకు ఉంది. అతనితో కలిసి ఉండటం వల్ల హింస, అవమానం, గాయాలు, అభద్రత తప్ప నీకేం మిగిలిందనీ? పైగా, ఒంటరిగా బతకలేనని భయపడుతున్నావు. ఒంటరిగానే ధైర్యంగా ఆత్మ విశ్వాసంతో బతకాలి. సహచరుడే యముడైనప్పుడు అతడి నుంచి విడిపోయి, నిన్ను నువ్వు రక్షించుకోవడమే మంచి నిర్ణయం. వెంటనే ఒక లేడీ లాయర్‌ను కలువు. నీ భర్త నిన్ను పెట్టే హింసలు నీ సన్నిహితులకు చెప్పు. నీ స్నేహితులు, మహిళా సంఘాల వారి సహాయం తీసుకో. నీకు మంచి భవిష్యత్తు ఉంది.

డా. భారతి (ఎమ్మెస్‌)
మారిటల్‌ కౌన్సిలర్‌, సైకోథెరపిస్ట్‌, జయా హాస్పిటల్‌
బీ.ఎన్‌. రెడ్డి నగర్‌ క్రాస్‌రోడ్‌, హైదరాబాద్‌
bharathid506@gmail.com, 9908383910

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి

ఇవి కూడా చదవండి..

ప‌క్కింటి ఆంటీపై ఇష్టం పెరిగిపోతుంది.. మరిచిపోలేకపోతున్నా..

బైపాస్‌ సర్జరీ తర్వాత ఎన్ని రోజులకు శృంగారంలో పాల్గొనవచ్చు ?

ఆయనకు ఆ కోరిక ఎక్కువ.. నేనేం చేయాలి?

తను ముట్టుకోడు.. నన్నూ ముట్టుకోనివ్వడు

ఈ మ‌ధ్యే పెండ్ల‌యింది.. నా అనుమానం నిజమేనా