వశిష్ఠ (Vasistha) దర్శకత్వంలో కల్యాణ్రామ్ (Kalyan Ram) టైటిల్ రోల్లో నటించిన ప్రాజెక్టు బింబిసార. మగధ రాజ్యాన్ని పాలించిన హర్యాంక వంశస్థుడు బింబిసారుని జీవిత కథ నేపథ్యంలో తెరకెక్కింది. ఈ చిత్రంలో కల్యాణ్ రామ్ బింబిసారుడిగా, దేవదత్తుడిగా డ్యుయల్ రోల్లో కనిపించాడు. కేథరిన్ ట్రెసా, సంయుక్తా మీనన్ ఫీ మేల్ లీడ్ రోల్స్లో నటించారు.
ఈ చిత్రం విడుదలైన తొలి రోజు నుంచి అన్ని సెంటర్లలో మంచి టాక్ తెచ్చుకోవడమే కాదు..బ్రేక్ ఈవెన్ మార్క్ను దాటుకొని..లాభాల బాట పట్టినట్టు ఇప్పటివరకున్న సమాచారం. కాగా బింబిసార సక్సెస్ ట్రాక్ లో వెళ్తున్న నేపథ్యంలో కల్యాణ్ రామ్ చేస్తున్న మరో చిత్రం డెవిల్ (Devil) కు క్రేజ్ భారీగా పెరిగిందట. ఈ సినిమా కూడా పీరియాడిక్ డ్రామాగా తెరకెక్కుతుండగా..కల్యాణ్రామ్ క్రేజీ రోల్లో కనిపించనున్నాడు.
డెవిల్ అవుట్ పుట్ కూడా ఉత్తమంగా ఉండబోతుందన్న టాక్ తెరపైకి రావడంతో ప్రీ రిలీజ్ బిజినెస్ కూడా భారీగా జరుగబోతుందని జోరుగా చర్చలు నడుస్తున్నాయి. ఇప్పటికే విడుదలైన డెవిల్ లుక్ సినిమాపై క్యూరియాసిటీ పెంచేలా ఉంది. నవీన్ మేడారం డైరెక్ట్ చేస్తున్న ఈ చిత్రానికి హర్షవర్దన్ రామేశ్వర్ మ్యూజిక్ డైరెక్టర్. అభిషేక్ పిక్చర్స్ బ్యానర్పై అభిషేక్ నామా నిర్మిస్తున్నారు.