నిరుపేద మహిళకు మంత్రి కొప్పుల ఆపన్నహస్తం

నిరుపేద మహిళకు మంత్రి కొప్పుల ఆపన్నహస్తం | సంక్షేమశాఖ మంత్రి కొప్పుల ఈశ్వర్‌ తన గొప్ప మనసును చాటుకున్నారు. కరోనా బారినపడ్డ ఓ తల్లిని నవ మాసాలు మోసి, కనిపెంచిన పిల్లలే పట్టించుకోలేని పరిస్థితుల్లో.. సామాజిక మాధ్యమాల ద్వారా విషయం తెలుసుకొని చలించిపోయారు.

ధర్మారం : సంక్షేమశాఖ మంత్రి కొప్పుల ఈశ్వర్‌ తన గొప్ప మనసును చాటుకున్నారు. కరోనా బారినపడ్డ ఓ తల్లిని నవ మాసాలు మోసి, కనిపెంచిన పిల్లలే పట్టించుకోలేని పరిస్థితుల్లో.. సామాజిక మాధ్యమాల ద్వారా విషయం తెలుసుకొని చలించిపోయారు. వెంటనే అంబులెన్స్‌ ఏర్పాటు చేయించి, కరీంనగర్‌ దవాఖానలో చేర్పించి వైద్యం అందేలా చర్యలు తీసుకున్నారు. వైద్యులతో మాట్లాడి మెరుగైన వైద్యం అందించేలా చూడాలని ఆదేశించారు. ధర్మారం దొంగతుర్తి గుండ గంగమ్మ పది రోజుల కిందట కరోనా మహమ్మారి బారినపడింది. అప్పటి నుంచి దిక్కుతోచని పరిస్థితుల్లో ఒక్కతే ఇంట్లో బిక్కుబిక్కుమంటూ ఉంటోంది. స్థానిక ఫొటోగ్రాఫర్ ఒకరు నిత్యం భోజనం అందిస్తూ వస్తున్నాడు. ఈ క్రమంలో ఆరోగ్యం క్షీణించింది.

గంగమ్మకు నలుగురు బిడ్డలు ఉన్నారు. ఆమె ఆరోగ్య పరిస్థితిపై వారికి సమాచారం అందించగా.. ఎవరూ ముందుకు రాలేదు. చుట్టుపక్కల ఉన్న వారు సైతం పట్టించుకోలేదు. ఆమె పరిస్థితిని వివరిస్తూ ఫేస్‌బుక్‌లో పోస్ట్‌ పట్టారు. ఇది గమనించిన మంత్రి కొప్పుల ఈశ్వర్‌ వెంటనే అంబులెన్స్‌ ఏర్పాటు చేయించి, గంగమ్మను కరీంనగర్‌ దవాఖానకు తరలించారు. కరీంనగర్ ప్రభుత్వ దవాఖాన వైద్యులతో మాట్లాడి, మెరుగైన వైద్యం అందించాలని చెప్పారు. సామాజిక మాధ్యమాల ద్వారా విషయాన్ని తెలుసుకొని మహిళకు వైద్యసేవలందేలా చర్యలు తీసుకున్న మంత్రి ఈశ్వర్‌కు పలువురు కృతజ్ఞతలు తెలిపారు.

ఇవి కూడా చదవండి..

విమానంలో గబ్బిలం.. అత్యవసర ల్యాండింగ్‌

మ‌హ‌మ్మారి అంతంపై డ‌బ్ల్యూహెచ్ఓ కీల‌క వ్యాఖ్య‌లు

29-05-2021 శ‌నివారం.. మీ రాశి ఫ‌లాలు

అధిక ఫీజు వ‌సూలు.. 64 ఆస్ప‌త్రుల‌కు ప్ర‌భుత్వం నోటీసులు

థానేలో కూలిన బిల్డింగ్‌ పైకప్పు.. ఏడుగురు మృతి

పెళ్లింట విషాదం.. విద్యుత్‌ షాక్‌తో నలుగురు మృతి

మళ్లీ పెరిగిన పెట్రోల్‌ ధరలు.. ముంబైలో సెంచరీ

మమతకు షాక్‌.. బెంగాల్‌ సీఎస్‌ కేంద్ర సర్వీసుల్లోకి..

దేశంలో కరోనా తగ్గుముఖం.. 24 గంటల్లో 1.73లక్షల కేసులు

డీఆర్‌డీఓ మరో ముందడుగు