తాడాసన వాకింగ్‌..

నడక, యోగా.. ఈ రెండు అలవాట్లు ఆరోగ్యానికి భరోసా ఇస్తాయి. యోగాతో కలిపి కూడా నడకను కొనసాగించొచ్చని నిపుణులు చెబుతున్నారు. అందులోనూ ‘తాడాసన వాకింగ్‌'తో అనేక ఆరోగ్య ప్రయోజనాలు ఉన్నాయని అంటున్నారు.

నడక, యోగా.. ఈ రెండు అలవాట్లు ఆరోగ్యానికి భరోసా ఇస్తాయి. యోగాతో కలిపి కూడా నడకను కొనసాగించొచ్చని నిపుణులు చెబుతున్నారు. అందులోనూ ‘తాడాసన వాకింగ్‌’తో అనేక ఆరోగ్య ప్రయోజనాలు ఉన్నాయని అంటున్నారు.

ఎలా చేయాలి?

తాడాసన వాకింగ్‌ అంటే.. యోగాలోని తాడాసనం వేస్తూ నడవడమే! ముందుగా నిటారుగా నిలబడి, పాదాలను ఒకదానితో ఒకటి కలిపి ఉంచాలి. చేతులను శరీరానికి అతికినట్టుగా ఉంచాలి. తల, వెన్నెముకను నిటారుగా ఉంచి.. నడక సాగించాలి. నడిచేటప్పుడు కాళ్లను క్రమంగా ముందుకు, వెనుకకు కదిలిస్తూ నడవాలి. నడిచేటప్పుడు శ్వాస పీల్చుకుంటూ ఒక అడుగు ముందుకు వేసి.. శ్వాస వదులుతూ మరొక అడుగు వేయాలి.

అనేక ప్రయోజనాలు

• నడక గుండె ఆరోగ్యాన్ని కాపాడుతుంది. హృదయ సంబంధ సమస్యల ప్రమాదాన్ని తగ్గిస్తుంది.
• తాడాసన వాకింగ్‌తో శరీరంలోని అన్ని కండరాలూ కదులుతాయి. రెగ్యులర్‌గా చేస్తే.. కండరాలు బలపడతాయి.
• తాడాసనంతో వెన్ను వంగిపోకుండా.. నిటారుగా ఉంటుంది. వెన్ను నొప్పితోపాటు వెన్నెముక సమస్యలనూ తగ్గిస్తుంది.
• ఎత్తు పెరగడంలోనూ ఈ వ్యాయామం సాయపడుతుంది. క్రమం తప్పకుండా చేస్తే.. ఎత్తు తక్కువగా ఉన్న పిల్లల హైట్‌ పెరిగే అవకాశం ఉంటుంది.
• మనసును ప్రశాంతంగా ఉంచడంతోపాటు మానసిక శ్రేయస్సునూ మెరుగుపరుస్తుంది.
• బరువు తగ్గాలని అనుకునేవారికీ గొప్పగా ఉపయోగపడుతుంది. నడక ద్వారా శరీరంలో క్యాలరీలు కరిగి.. బరువు తగ్గొచ్చు.