Visit:
హనుమకొండ చౌరస్తా : కాకతీయ యూనివర్సిటీ ( Kakatiya Versity ) గెస్ట్హౌస్లో కాకతీయ యూనివర్సిటీ పార్ట్టైం లెక్చరర్స్ అసోసియేషన్ (కుప్లా) ఎన్నికలు ( Association Elections ) ప్రశాంతంగా జరిగాయి. అధ్యక్ష పదవికి కె.రాజేందర్, కె.సుభాష్ పోటీ చేయగా మొత్తం 145 మంది ఓటర్లలో 84 మంది తమ ఓటు హక్కును వినియోగిం చుకున్నారు. కె.రాజేందర్ 64 ఓట్లు సాధించి అధ్యక్షుడిగా ఎన్నికయ్యారు. కె.సుబాష్ 20 ఓట్లు పొందారు. ఫలితాలను ప్రిసైడింగ్ అధికారి డాక్టర్ ఆదిరెడ్డి ప్రకటించారు.
నూతన అధ్యక్షుడు కె.రాజేందర్, ప్రధాన కార్యదర్శి నాగేశ్వర్రావు, వర్కింగ్ ప్రెసిడెంట్ డాక్టర్ వాణీదేవి, కోశాధికారి టి.మౌనిక , ఆర్గనైజింగ్ సెక్రటరీ పి.మహేందర్, ఉమెన్ కన్వీనర్ భాగ్యమ్మ ఎన్నికయ్యారు. ఎన్నికల అనంతరం నూతన కార్యవర్గ సభ్యులు కాకతీయ యూనివర్సిటీ రిజిస్ట్రార్ ప్రొఫెసర్ వల్లూరి రామచంద్రం, ప్రిన్సిపాల్ ప్రొఫెసర్ టి.మనోహర్ను మర్యాదపూర్వకంగా కలిశారు. ఈ సందర్భంగా వారు నూతన కార్యవర్గానికి అభినందనలు తెలిపారు.
