Visit:
యువహీరో కిరణ్‌ అబ్బవరం కథానాయకుడిగా రూపొందిన ఎంటైర్టెన్మెంట్‌ డ్రామా ‘కె-ర్యాంప్‌’. యుక్తి తరేజా కథానాయిక. జైన్స్‌ నాని దర్శకుడు. రాజేశ్‌ దండా, శివ బొమ్మకు నిర్మాతలు. ఈ నెల 18న దీపావళి కానుకగా సినిమా విడుదల కానున్నది. ప్రమోషన్‌లో భాగంగా మంగళవారం ఈ సినిమా నుంచి మూడో పాటను మేకర్స్‌ విడుదల చేశారు.
‘టిక్కల్‌ టిక్కల్‌.. ఢమాల్‌ ఢమాల్‌.. కలిసి వచ్చే కాలం ముందు నువ్వు సూపర్‌రా.. టైమ్‌ కాస్త బ్యాడ్‌ అయితే.. కె ర్యాంప్‌రా..’ అంటూ సాగే ఈ పాటను సురేంద్ర కృష్ణ రాయగా, చేతన్‌ భరద్వాజ్‌ స్వరపరిచారు. సాయిచరణ్‌ భాస్కరుని ఆలపించారు. ప్రేమ, ప్రేమికురాలి మధ్య హీరో ఎలా నలిగిపోయాడో ఈ పాట తెలియజేస్తున్నది. నరేశ్‌, సాయికుమార్‌, వెన్నెల కిశోర్‌ తదితరులు ఇతర పాత్రలు పోషించిన ఈ చిత్రానికి కెమెరా: సతీష్‌రెడ్డి మాసం, నిర్మాణం: హాస్య మూవీస్‌, రుద్రాంశ్‌ సెల్యులాయిడ్‌.
