క్రికెట్‌కు మేఘన గుడ్‌బై

భారత మహిళా క్రికెట్‌లో తనకంటూ ఒక ప్రత్యేక గుర్తింపు తెచ్చుకున్న తెలుగమ్మాయి, టాపార్డర్‌ బ్యాటర్‌ సబ్బినేని మేఘన అన్ని ఫార్మాట్లకు రిటైర్మెంట్‌ ఇస్తున్నట్లు శుక్రవారం ప్రకటించింది.

న్యూఢిల్లీ : భారత మహిళా క్రికెట్‌లో తనకంటూ ఒక ప్రత్యేక గుర్తింపు తెచ్చుకున్న తెలుగమ్మాయి, టాపార్డర్‌ బ్యాటర్‌ సబ్బినేని మేఘన అన్ని ఫార్మాట్లకు రిటైర్మెంట్‌ ఇస్తున్నట్లు శుక్రవారం ప్రకటించింది. 30 ఏండ్ల వయసులోనే ఆమె ఈ నిర్ణయం తీసుకోవడం క్రీడా వర్గాలను ఆశ్చర్యపరిచింది.

భారత్‌ తరఫున ఆఖరిగా 2022 నవంబర్‌లో మైదానంలోకి దిగిన మేఘన మహిళల ప్రీమియర్‌ లీగ్‌ (డబ్ల్యూపీఎల్‌)లో ఆర్సీబీ, జీటీ జట్లకు ప్రాతినిధ్యం వహించింది. 2016లో వెస్టిండీస్‌తో జరిగిన టీ20 అంతర్జాతీయ మ్యాచ్‌ ద్వారా భారత్‌ తరఫున మేఘన అరంగేట్రం చేసింది. ఆ తర్వాత ఆరేండ్లకు (2022లో) వన్డేల్లో భారత్‌కు ప్రాతినిధ్యం వహించే అవకాశం దక్కించుకుంది.