బంధాన్ని నిలబెట్టేది నమ్మకమే

‘కొత్త బంగారులోకం’ జంట వరుణ్‌ సందేశ్‌, శ్వేతా బసు ప్రసాద్‌ జంటగా నటించిన చిత్రం ‘నా వైఫ్‌ మిస్సింగ్‌'. స్వాతి ప్రకాష్‌ మంత్రిప్రగడ దర్శకత్వంలో శివ కంఠంనేని నిర్మించిన ఈ చిత్రం శుక్రవారం నుంచి ప్రముఖ ఓటీటీ ప్లాట్‌ఫామ్‌ ఆహాలో స్ట్రిమింగ్‌ అవుతున్నది.

‘కొత్త బంగారులోకం’ జంట వరుణ్‌ సందేశ్‌, శ్వేతా బసు ప్రసాద్‌ జంటగా నటించిన చిత్రం ‘నా వైఫ్‌ మిస్సింగ్‌’. స్వాతి ప్రకాష్‌ మంత్రిప్రగడ దర్శకత్వంలో శివ కంఠంనేని నిర్మించిన ఈ చిత్రం శుక్రవారం నుంచి ప్రముఖ ఓటీటీ ప్లాట్‌ఫామ్‌ ఆహాలో స్ట్రిమింగ్‌ అవుతున్నది. ఈ సందర్భంగా ఈ సినిమా ప్రీమియర్‌, ప్రెస్‌మీట్‌ను హైదరాబాద్‌లో నిర్వహించారు. సీనియర్‌ నటుడు మురళీమోహన్‌, అగ్ర దర్శకుడు హరీశ్‌శంకర్‌ ఈ కార్యక్రమానికి అతిథులుగా విచ్చేసి చిత్రబృందానికి శుభాకాంక్షలు అందించారు.

‘నమ్మకమే బంధాన్ని నిలబెడుతుంది అనే విషయాన్ని తెలియజెప్పే కథాంశంతో ఈ సినిమా రూపొందింది. శ్వేతాబసుతో ఇన్నేళ్ల తర్వాత కలిసి నటించడం ఆనందంగా ఉంది’ అని వరుణ్‌సందేశ్‌ అన్నారు. ఈ సినిమాను గ్రేట్‌ కంబ్యాక్‌గా ఫీలవుతున్నానని, ఇన్నేళ్ల తర్వాత టాలీవుడ్‌కి తిరిగి రావడం నా సొంత ఇంటికొచ్చిన ఫీల్‌ కలిగిస్తున్నదని శ్వేతాబసు ప్రసాద్‌ పేర్కొన్నారు.