Priyanka Arul | ఓజీ హీరోయిన్ ప్రియాంక మోహన్ సాహసం.. అంధురాలిగా కొత్త అవతారం,బర్త్డే పోస్టర్తో ఆసక్తి పెంచిన మేకర్స్!
Priyanka Arul | టాలీవుడ్లో వరుస విజయాలతో దూసుకుపోతున్న అందాల తార ప్రియాంక అరుళ్ మోహన్ మరో విభిన్నమైన పాత్రతో ప్రేక్షకుల ముందుకు వచ్చేందుకు సిద్ధమవుతున్నారు. పవర్ స్టార్ పవన్ కళ్యాణ్ నటించిన ‘ఓజీ’ సినిమాలో డాక్టర్ కన్మణిగా తెలుగు ప్రేక్షకులను ఆకట్టుకున్న ఈ బ్యూటీ.. ఇప్పుడు తన నటనలోని మరో కోణాన్ని చూపించబోతున్నారు.
Priyanka Arul | టాలీవుడ్లో వరుస విజయాలతో దూసుకుపోతున్న అందాల తార ప్రియాంక అరుళ్ మోహన్ మరో విభిన్నమైన పాత్రతో ప్రేక్షకుల ముందుకు వచ్చేందుకు సిద్ధమవుతున్నారు. పవర్ స్టార్ పవన్ కళ్యాణ్ నటించిన ‘ఓజీ’ సినిమాలో డాక్టర్ కన్మణిగా తెలుగు ప్రేక్షకులను ఆకట్టుకున్న ఈ బ్యూటీ.. ఇప్పుడు తన నటనలోని మరో కోణాన్ని చూపించబోతున్నారు. ఈసారి ఏకంగా అంధురాలి పాత్రలో కనిపించనున్నారు. ఆమె పుట్టినరోజు సందర్భంగా చిత్ర బృందం విడుదల చేసిన ప్రత్యేక పోస్టర్ ఈ విషయంపై ఆసక్తిని పెంచుతోంది. ప్రముఖ నిర్మాణ సంస్థ ఏజీఎస్ ఎంటర్టైన్మెంట్ నిర్మిస్తున్న తమిళ చిత్రం ‘ఏజీఎస్ 29’లో ప్రియాంక మోహన్ కథానాయికగా నటిస్తున్నారు. ప్రస్తుతం ఈ సినిమా వర్కింగ్ టైటిల్తో తెరకెక్కుతోంది.
విశాల్ హీరోగా వచ్చిన ‘చక్ర’ సినిమాతో దర్శకుడిగా గుర్తింపు తెచ్చుకున్న ఎం.ఎస్. ఆనందన్ ఈ చిత్రానికి దర్శకత్వం వహిస్తున్నారు. యాక్షన్ థ్రిల్లర్గా రూపొందుతున్న ఈ సినిమాలో ప్రియాంక పాత్ర చాలా ప్రత్యేకంగా ఉండబోతోంది. నవంబర్ 20న ప్రియాంక పుట్టినరోజు సందర్భంగా చిత్ర బృందం ఆమెకు శుభాకాంక్షలు తెలియజేస్తూ ఓ ప్రత్యేక పోస్టర్ను విడుదల చేసింది. ఈ పోస్టర్లో ఆమె కళ్లపై ప్రత్యేకంగా దృష్టి పెట్టారు. అంతేకాకుండా అంధులు చదువుకునే బ్రెయిలీ లిపిలో పుట్టినరోజు శుభాకాంక్షలు రాయడం విశేషం. దీంతో ఈ సినిమాలో ప్రియాంక చూపులేని యువతి పాత్రలో కనిపించబోతున్నట్లు మేకర్స్ స్పష్టమైన సంకేతాలు ఇచ్చారు. ఇప్పటివరకు గ్లామర్, హోమ్లీ పాత్రలతో అలరించిన ప్రియాంక.. ఈసారి కంటిచూపు లేని యువతిగా ఎలా నటిస్తారన్నది ఆసక్తికరంగా మారింది. ఈ పాత్ర కోసం ఆమె ఎలాంటి నటనను ప్రదర్శిస్తారో చూడాలని అభిమానులు ఎదురుచూస్తున్నారు.
‘ఏజీఎస్ 29’లో ప్రియాంకతో పాటు జై, యోగిబాబు కీలక పాత్రల్లో నటిస్తున్నారు. ఈ సినిమాకు ‘కేజీఎఫ్’ చిత్రాలతో గుర్తింపు తెచ్చుకున్న రవి బస్రూర్ సంగీతం అందిస్తున్నారు. యాక్షన్ థ్రిల్లర్ కథాంశంతో రూపొందుతున్న ఈ చిత్రంలో అంధురాలి పాత్రకు కథలో ఎలాంటి ప్రాధాన్యం ఉంటుందనేది ఆసక్తిని కలిగిస్తోంది. సాధారణ హీరోయిన్ పాత్రలకు భిన్నంగా ఈ సినిమాతో ప్రియాంక తన నటనా సామర్థ్యాన్ని మరోసారి నిరూపించుకునే అవకాశం కనిపిస్తోంది. ప్రియాంక మోహన్ కెరీర్ విషయానికి వస్తే.. 2019లో కన్నడ చిత్రం ‘ఓంధ్ కథే హెల్లా’తో నటిగా పరిచయమయ్యారు. అదే ఏడాది నాని హీరోగా నటించిన ‘గ్యాంగ్ లీడర్’ సినిమాతో టాలీవుడ్లోకి అడుగుపెట్టారు. తొలి సినిమాతోనే తెలుగు ప్రేక్షకులకు దగ్గరయ్యారు. తెలుగు సినిమాలతో పాటు తమిళ చిత్రాల్లోనూ ప్రియాంక తనకంటూ ప్రత్యేక గుర్తింపు తెచ్చుకున్నారు. ‘వరుణ్ డాక్టర్’, ‘ఈటీ’, ‘డాన్’, ధనుష్ నటించిన ‘కెప్టెన్ మిల్లర్’ వంటి చిత్రాలతో ప్రేక్షకులను అలరించారు.
Read Today's Latest Cinema News in Telugu and Telugu News
RELATED ARTICLES
తాజా వార్తలు
Priyanka Arul | ఓజీ హీరోయిన్ ప్రియాంక మోహన్ సాహసం.. అంధురాలిగా కొత్త అవతారం,బర్త్డే పోస్టర్తో ఆసక్తి పెంచిన మేకర్స్!
బాలిలో 50 అడుగుల గణేశుడు.. గిన్నిస్ వరల్డ్ రికార్డ్స్లో చోటు
Raaka | అల్లు అర్జున్ ‘రాకా’ మ్యూజిక్ డైరెక్టర్కు షాక్.. ధనుష్ ‘ఓం’తో సాయి అభ్యంకర్పై విమర్శలు!
Supreme Court | రక్తసంబంధ వివాహాలపై చట్టం అవసరం.. కేంద్రానికి సుప్రీంకోర్టు సూచన
Bird Flu Vaccine | స్వదేశీ బర్డ్ ఫ్లూ టీకా వచ్చేసింది.. కోళ్లకు ఒక్కో డోసు ధర రూ.1 నుంచి రూ.2!
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

