తళతళా మెరిసేలా

ఆరోగ్యం కోసం.. ఇప్పుడంతా ఇత్తడి, రాగి పాత్రలే వాడుతున్నారు. వీటిలోనే ఆహారం వండుకుంటూ, తింటూ ఎన్నో ప్రయోజనాలు పొందుతున్నారు. కానీ, వీటిని సరిగ్గా శుభ్రం చేయలేక తిప్పలు పడుతున్నారు. ఇత్తడి, రాగి పాత్రలు ఇట్టే శుభ్రం కావాలంటే..

ఆరోగ్యం కోసం.. ఇప్పుడంతా ఇత్తడి, రాగి పాత్రలే వాడుతున్నారు. వీటిలోనే ఆహారం వండుకుంటూ, తింటూ ఎన్నో ప్రయోజనాలు పొందుతున్నారు. కానీ, వీటిని సరిగ్గా శుభ్రం చేయలేక తిప్పలు పడుతున్నారు. ఇత్తడి, రాగి పాత్రలు ఇట్టే శుభ్రం కావాలంటే.. ఈ చిట్కాలు పాటించాల్సిందే!

ఒక గిన్నెలో గోరువెచ్చని నీటిని తీసుకొని, కొద్దిగా వెనిగర్‌ కలపాలి. ఇందులోనే రెండు టీస్పూన్ల నిమ్మ రసం, కొద్దిగా ఉప్పు వేసి బాగా కలిపేయాలి. ఈ నీటితో రాగి పాత్రలను తోమితే తళతళా మెరిసిపోతాయి. వెనిగర్‌ లేకపోతే.. పంచదార కలిపినా అంతే ప్రయోజనం కలుగుతుంది.

ఒక గిన్నెలోకి కొద్దిగా టమాటా కెచప్‌, వెనిగర్‌, కొద్దిగా డిటర్జెంట్‌ కలిపి.. బాగా మిక్స్‌ చేయాలి. ఈ మిశ్రమంతో ఇత్తడి సామాన్లు బాగా రుద్ది తోమితే.. కొత్తవాటిలా తయారవుతాయి.

ఇత్తడి పాత్రలు బాగా మురికి పట్టినట్టుగా తయారైతే.. వెనిగర్‌, బేకింగ్‌ సోడాను సమాన భాగాలుగా తీసుకొని.. కొద్దిగా నీళ్లు కలిపి పేస్ట్‌లా తయారుచేయాలి. దీనిని ఇత్తడి వస్తువులపై పూసి.. 10- 15 నిమిషాలు అలాగే వదిలేయాలి. ఆ తర్వాత నీటితో కడిగేస్తే సరి.