శ్రీనగర్: దేశవ్యాప్తంగా ఎండలు దంచికొడుతున్నాయి. ముఖ్యంగా దక్షిణాది రాష్ట్రాల్లో భానుడు నిప్పులు చెరుగుతున్నాడు. పెరిగిన ఉష్ణోగ్రతలకు వడగాలులు తోడవడంతో ప్రజలు తీవ్ర ఇబ్బందులు ఎదుర్కొంటున్నారు. అయితే భూతల స్వర్గం జమ్ముకశ్మీర్లో (Jammu and Kashmir) మాత్రం పరిస్థితులు మరోలా ఉన్నాయి. బండిపొర జిల్లాతోపాటు కుప్వారాలోని మాచిల్ సెక్టార్లో హిమపాతం (Snowfall) కురుస్తున్నది. రహదారులను దట్టంగా మంచు కప్పేసింది.
భారీ హిమపాతం కారణంగా రోడ్లపైకి వాహనాలు రాలేని పరిస్థితులు నెలకొన్నాయి. దీంతో మంచును రహదారులపై నుంచి తొలగించి రాకపోకలకు సిద్ధం చేసేందుకు అధికారులు చర్యలు చేపట్టారు. రోడ్లపై భారీగా పేరుకుపోయిన మంచును యంత్రాల సహాయంతో తొలగిస్తున్నారు.
#WATCH | J&K: Bandipora district of North Kashmir received fresh snowfall today. pic.twitter.com/GYJkMLcsoi
— ANI (@ANI) April 29, 2024
#WATCH | Kupwara, J&K: Machil sector of Kupwara receives fresh snowfall. pic.twitter.com/kZdHOFYl3f
— ANI (@ANI) April 29, 2024