ప్రజలకు ఇచ్చిన హామీలు తప్పిన కేడీ రేవంత్ రెడ్డి : మాజీ ఎమ్మెల్యే గండ్ర

ప్రజలకు ఇచ్చిన హామీలు తప్పిన కేడీ సీఎం రేవంత్ రెడ్డి అని మాజీ ఎమ్మెల్యే గండ్ర వెంకటరమణారెడ్డి అన్నారు.

జయశంకర్ భూపాలపల్లి: ప్రజలకు ఇచ్చిన హామీలు తప్పిన కేడీ సీఎం రేవంత్ రెడ్డి అని మాజీ ఎమ్మెల్యే గండ్ర వెంకటరమణారెడ్డి అన్నారు. భూపాలపల్లి జిల్లా బీఆర్ఎస్ పార్టీ కార్యాలయంలోఆయ‌న‌ మీడియాతో మాట్లాడారు. తెలంగాణలో కేడి పాలన రాజ్యమేలుతుంది. కెసిఆర్ అసెంబ్లీకి వస్తే.. రేవంత్ లాగు తడుస్తద‌న్నారు. మూడేళ్ల నుండి ఒక్క పిల్లర్ ను రిపేర్ చెయ్యలేని దద్దమ్మ కాంగ్రెస్ ప్రభుత్వమ‌ని మండిప‌డ్డారు.

మంత్రుల నియోజకవర్గాల్లోనే కరువు మండలాలు ఉన్నాయా? రాష్ట్రంలో మ‌రెక్క‌డా లేవా అని ప్ర‌శ్నించారు. భూపాలపల్లి నియోజకవర్గంలో ఒక్క మండలాన్ని మాత్రమే కరువు మండలంగా ఎంపిక చేయడం సిగ్గుచేట‌న్నారు. ఈ సమావేశంలో బీఆర్ఎస్ పార్టీ నాయకులు, కార్యకర్తలు, తదితరులు పాల్గొన్నారు.