అంజీర్‌ అద్భుతః

చలికాలంలో సాధారణంగానే రోగనిరోధక శక్తి తగ్గుతుంది. దాంతో రకరకాల ఇన్ఫెక్షన్లు దాడిచేస్తాయి. ఇలాంటి సమయంలో అంజీర్‌ పండ్లు అద్భుతమైన ఔషధంగా పనిచేస్తాయని వైద్య నిపుణులు చెబుతున్నారు. వీటిని రోజూ ఓ రెండుచొప్పున తీసుకుంటే.. మంచి ప్రయోజనం కలుగుతుందని అంటున్నారు. అంజీర్‌ పండ్లను రాత్రంతా నీటిలో నానబెట్టి.. ఉదయం ఖాళీ కడుపుతో ఆ పండ్లను తినాలి. ఆ నీటిని కూడా తాగితే..

చలికాలంలో సాధారణంగానే రోగనిరోధక శక్తి తగ్గుతుంది. దాంతో రకరకాల ఇన్ఫెక్షన్లు దాడిచేస్తాయి. ఇలాంటి సమయంలో అంజీర్‌ పండ్లు అద్భుతమైన ఔషధంగా పనిచేస్తాయని వైద్య నిపుణులు చెబుతున్నారు. వీటిని రోజూ ఓ రెండుచొప్పున తీసుకుంటే.. మంచి ప్రయోజనం కలుగుతుందని అంటున్నారు. అంజీర్‌ పండ్లను రాత్రంతా నీటిలో నానబెట్టి.. ఉదయం ఖాళీ కడుపుతో ఆ పండ్లను తినాలి. ఆ నీటిని కూడా తాగితే.. అందులోని పోషకాలు శరీరానికి పూర్తిస్థాయిలో అందుతాయి.

• చలికాలంలో నీరు తక్కువగా తాగుతారు. దాంతో చాలామందిని మలబద్ధకం వేధిస్తుంది. అంజీర్‌లోని అధిక ఫైబర్‌.. సహజ విరేచనకారిలా పనిచేస్తుంది. మలబద్ధకాన్ని నివారిస్తుంది.
• అంజీర్‌ పండ్లలో క్యాల్షియం అధికంగా లభిస్తుంది. చలికాలంలో వేధించే కీళ్ల నొప్పుల నుంచి ఉపశమనం కలిగిస్తుంది. వయసు పెరిగేకొద్దీ వచ్చే ఆస్టియోపోరోసిస్‌ వంటి ఎముకల వ్యాధుల నుంచీ రక్షణ కల్పిస్తుంది.
• తియ్యని అంజీర్‌లో క్లోరోజెనిక్‌ అనే ఆమ్లం ఉంటుంది. ఇది శరీరంలో ఇన్సులిన్‌ స్థాయులను మెరుగుపరుస్తుంది. టైప్‌-2 డయాబెటిస్‌ బాధితులకు ఎంతో మేలు చేస్తుంది.
• రక్తంలోని చెడు కొవ్వు (ట్రైగ్లిజరైడ్స్‌) స్థాయులను తగ్గించడంలోనూ అంజీర్‌ ముందుంటుంది. దీనిలోని పొటాషియం.. రక్తపోటును నియంత్రిస్తుంది. గుండెపోటు ప్రమాదాన్ని తగ్గిస్తుంది.
• విటమిన్‌ సి, ఇ, యాంటి ఆక్సిడెంట్లు ఇందులో పుష్కలం. జలుబు, దగ్గు వంటి వైరల్‌ ఇన్ఫెక్షన్ల నుంచి రక్షణ కల్పిస్తాయి.
• అంజీర్‌లో అధిక మొత్తంలో లభించే ఐరన్‌.. రక్తాన్ని వృద్ధి చేస్తుంది. కాబట్టి, రక్తహీనతతో బాధపడేవారికిఅంజీర్‌ ఓ వరమే!
• చర్మ సౌందర్యాన్ని కాపాడటంలోనూ అంజీర్‌ సమర్థంగా పనిచేస్తుంది. దీన్ని రెగ్యులర్‌గా తీసుకుంటే.. చర్మం హైడ్రేటెడ్‌గా, కాంతిమంతంగా మారుతుంది.