Operation Sindoor | ఆపరేషన్‌ సిందూర్‌లో త్రివిధ దళాలు.. 1971 తర్వాత సంయుక్తంగా దాడి చేయడం ఇదే తొలిసారి..!

భారత త్రివిధ దళాలు సమన్వయంతో ఏకకాలంలో పాకిస్థాన్‌పై విరుకుపడ్డాయి దాదాపు సంవత్సరాల తరువాత త్రివిధ దళాలు కలిసి శత్రు స్థావరాలపై దాడి చేయడం ఇదే మొదటిసారి అత్యంత ప్రతిష్ఠాత్మకమైన ఈ ప్రతీకార దాడిలో భారత సైన్యం నౌకాదళం వైమానిక దళం కలిసి పనిచేశాయి.

న్యూఢిల్లీ, మే 7: భారత త్రివిధ దళాలు సమన్వయంతో ఏకకాలంలో పాకిస్థాన్‌పై విరుకుపడ్డాయి దాదాపు సంవత్సరాల తరువాత త్రివిధ దళాలు కలిసి శత్రు స్థావరాలపై దాడి చేయడం ఇదే మొదటిసారి అత్యంత ప్రతిష్ఠాత్మకమైన ఈ ప్రతీకార దాడిలో భారత సైన్యం నౌకాదళం వైమానిక దళం కలిసి పనిచేశాయి ఇంతకముందు జరిగిన భారత్‌ పాక్‌ యుద్ధంలో 1971లో జరిగిన భారత్‌-పాక్‌ యుద్ధంలో త్రివిధ దళాలు ఇదే విధంగా సమన్వయంతో దాడులు చేశాయి. ఆ తరువాత సీమాంతర ఉగ్రవాదాన్ని నిర్వీర్యం చేయాలన్న భారత దృఢ సంకల్పాన్ని చాటుతూ మరోమారు త్రివిధ దళాలు కలిసి బరిలోకి దిగాయి. ఈ దాడుల్లో మూడు దళాలు తమకు నిర్దేశించిన పాత్రను ఎటువంటి లోపాలు లేకుండా పోషించాయి.

వైమానిక దళం

• ఆపరేషన్‌ సిందూర్‌లో వైమానిక దళం రాఫెల్‌ జెట్‌ విమానాల సాయంతో దాడులకు నేతృత్వం వహించింది. భారత గగనతలం నుంచే పాక్‌ భూభాగంపైకి స్కాల్ప్‌ దీర్ఘశ్రేణి క్షిపణులను, హ్యామర్‌ బాంబులను ప్రయోగించింది.
• మిరాజ్‌-2000, సుఖోయ్‌-30ఎంకేఐ యుద్ధ విమానాలు తోడు నిలవగా, పాక్‌ గగనతలంలోకి వెళ్లకుండానే దాడులు చేసింది.
• పాక్‌ నుంచి ఎదురయ్యే ప్రతీకార దాడులను తిప్పికొట్టడానికి భారీ ఎత్తున వైమానిక విన్యాసాలు ప్రదర్శిస్తూ, గగనతలంలో గస్తీ
  నిర్వహించాయి.

భారత సైన్యం

• నియంత్రణ రేఖ వెంట సమన్వయంతో కూడిన నిఘా సమాచారాన్ని సేకరించింది.
• ఫార్వర్డ్‌ లాంచ్‌ప్యాడ్‌ల నుంచి కామికేజ్‌ డ్రోన్‌ల సాయంతో ఫిరంగి దాడులు చేసింది.
• భారత వైమానిక దాడుల అనంతరం కుప్వారా, పూంచ్‌,రాజౌరీ, బారాముల్లా ప్రాంతాలలో పాక్‌ నుంచి మొదలైన ప్రతీకార దాడులను తిప్పికొట్టింది.

నౌకాదళం

• లాజిస్టికల్‌, ఐఎస్‌ఆర్‌ (ఇంటెలిజెన్స్‌, నిఘా,గూఢచర్య పర్యవేక్షణ) రూపంలో మద్దతునిచ్చింది.
• భారత భూభాగం నుంచి డ్రోన్‌లను ప్రయోగించడంలో భాగస్వామ్యమైంది.
• సముద్ర మార్గంలో పాక్‌ నుంచి ఎదురయ్యే ముప్పును పర్యవేక్షించేందుకు, తిప్పికొట్టేందుకు అరేబియన్‌ సముద్రంలో అప్రమత్తంగా ఉన్నది