నీళ్లు తగ్గాయేమో చూసుకోండి!

మన దేహంలో అధిక పరిమాణంలో ఉండేది నీరే! అందులో కొంచెం తగ్గినా సమస్యే. దాన్ని అర్థం చేసుకోకపోతే దాహం తీర్చుకోరు. దేహం సమస్యపోదు. అప్పుడప్పుడూ నీళ్లు తాగితే సరిపోతుందనుకుంటారు. కానీ, వాతావరణ పరిస్థితులు, పని ప్రదేశాల్లో దాహం వేయకపోవచ్చు.

మన దేహంలో అధిక పరిమాణంలో ఉండేది నీరే! అందులో కొంచెం తగ్గినా సమస్యే. దాన్ని అర్థం చేసుకోకపోతే దాహం తీర్చుకోరు. దేహం సమస్యపోదు. అప్పుడప్పుడూ నీళ్లు తాగితే సరిపోతుందనుకుంటారు. కానీ, వాతావరణ పరిస్థితులు, పని ప్రదేశాల్లో దాహం వేయకపోవచ్చు. అయినా, శరీర అవసరాలు గుర్తించాలి. ఈ లక్షణాలుంటే తనకు దాహం అవుతోందని మన శరీరవాణి చెబుతున్నట్టుగా గుర్తించండి.

• అలసిపోయినట్టుగా, నిరాసక్తంగా ఉండటం.
• తలనొప్పి (తలలో కండరాలు సంకోచించడం వల్ల నాడులపై ఒత్తిడి వల్ల కలిగే బాధ).
• మూత్రం ముదురు పసుపు రంగులో రావడం. ఈ స్థితిలో శరీరం చాలా తక్కువ నీటితో ఉందని అర్థం.
• పెదవుల పగుళ్లు, చర్మం పొడిబారటం (డీహైడ్రేషన్‌ వల్ల చర్మం తేమను కోల్పోవడంతో ఇలా జరుగుతుంది).
• వాతం, గొంతులో మంట
• కండరాలు పట్టేయడం (చెమట వల్ల కండరాల్లో శరీర ద్రవాలు తగ్గిపోతే ఇలా జరుగుతుంది).
• చురుకుగా ఆలోచించలేకపోవడం, దేనిపైనా దృష్టి నిలపలేకపోవడం

ఇలాంటి సమస్యలు ఉన్నప్పుడు ఏదో అయిపోయిందని భయపడకుండా.. అరగంటకోసారి నీళ్లు తాగండి. రోజులో ఎనిమిది నుంచి పది గ్లాసుల నీళ్లు తాగితే అన్ని ఇబ్బందులూ తొలగిపోతాయి.