Watch: ఉద్దేశపూర్వకంగా బైక్‌ను ఢీకొట్టిన క్యాబ్‌ డ్రైవర్‌.. వీడియో వైరల్‌

Cab Driver Rams Bike | క్యాబ్‌కు రాసుకుని బైక్‌కు వెళ్లింది. దీనిపై క్యాబ్‌ డ్రైవర్‌ ఆగ్రహించాడు. వాగ్వాదం నేపథ్యంలో ఉద్దేశపూర్వకంగా క్యాబ్‌తో ఆ బైక్‌ను ఢీకొట్టాడు. దానిపై ఉన్న వ్యక్తి రోడ్డుపై పడ్డాడు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది.

November 2, 2025 / 06:42 PM IST

Watch: ఉద్దేశపూర్వకంగా బైక్‌ను ఢీకొట్టిన క్యాబ్‌ డ్రైవర్‌.. వీడియో వైరల్‌

బెంగళూరు: క్యాబ్‌కు రాసుకుని బైక్‌కు వెళ్లింది. దీనిపై క్యాబ్‌ డ్రైవర్‌ ఆగ్రహించాడు. వాగ్వాదం నేపథ్యంలో ఉద్దేశపూర్వకంగా క్యాబ్‌తో ఆ బైక్‌ను ఢీకొట్టాడు. (Cab Driver Rams Bike ) దానిపై ఉన్న వ్యక్తి రోడ్డుపై పడ్డాడు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. కర్ణాటక రాజధాని బెంగళూరులో ఈ సంఘటన జరిగింది. అక్టోబర్‌ 31న మధ్యాహ్నం వేళ కేఆర్‌ పురం బ్రిడ్జీపై క్యాబ్‌, బైక్‌ పక్కపక్కనే వెళ్లాయి. ఈ సందర్భంగా ఆ క్యాబ్‌కు బైక్‌ రాసుకుని వెళ్లింది.

కాగా, క్యాబ్‌ డ్రైవర్‌ దీనిపై ఆగ్రహించాడు. బైక్‌పై వెళ్తున్న ఇద్దరు వ్యక్తులతో వాగ్వాదానికి దిగాడు. ఈ నేపథ్యంలో ఉద్దేశపూర్వకంగా తన క్యాబ్‌తో ఆ బైక్‌ను ఢీకొట్టాడు. ఆ బైక్‌ అదుపుతప్పడంతో ఒక వ్యక్తి రోడ్డుపై పడ్డాడు. ఆ క్యాబ్‌ వెనుక ఉన్న కారు డ్యాష్‌ బోర్డు కెమెరాలో ఇది రికార్డ్‌ అయ్యింది. ఈ నేపథ్యంలో ఈ వీడియో క్లిప్‌ సోషల్‌ మీడియాలో వైరల్‌ అయ్యింది.

మరోవైపు ఇటీవల బెంగళూరులో ఇలాంటి తరహా సంఘటనలో ఒక వ్యక్తి మరణించాడు. ఈ నేపథ్యంలో తాజా ఘటనపై పోలీసులు స్పందించారు. బాధిత వ్యక్తి నుంచి ఫిర్యాదు అందలేదని పోలీస్‌ అధికారి తెలిపారు. అయినప్పటికీ సుమోటోగా కేసు నమోదు చేస్తామని చెప్పారు. ఆ క్యాబ్‌ డ్రైవర్‌ను గుర్తించి చర్యలు తీసుకుంటామని వెల్లడించారు.

No end to the #RoadRage menace in Bengaluru, heated argument between a biker and a cabbie over giving way turns dangerous as the cab driver deliberately rams into the bike near KR Puram. Both escaped with minor injuries. Cops reached out to biker who refused to file a complaint. pic.twitter.com/NDf1EaN5nm

— Deepak Bopanna (@dpkBopanna) November 2, 2025