రేపటి నుంచి కాళేశ్వరంలో దర్శనాలు బంద్‌

రేపటి నుంచి కాళేశ్వరంలో దర్శనాలు బంద్‌ | రాష్ట్రంలో కరోనా విజృంభణ కొనసాగుతున్నది. ఈ క్రమంలో దేవాలయాల్లో దర్శనాలు నిలిపివేస్తూ నిర్ణయం తీసుకున్నాయి.

హైదరాబాద్‌ : రాష్ట్రంలో కరోనా విజృంభణ కొనసాగుతున్నది. ఈ క్రమంలో ఇప్పటికే పలు దేవాలయాల్లో దర్శనాలు నిలిపివేస్తూ అధికారులు నిర్ణయం తీసుకున్నాయి. తాజాగా జయశంకర్‌ భూపాలపల్లి జిల్లాలోని కాళేశ్వర ముక్తేశ్వర స్వామి ఆలయం యంత్రాంగం సైతం కీలక నిర్ణయం తీసుకుంది. ఈ నెల 28వ తేదీ నుంచి మే 5వ తేదీ వరకు భక్తులకు దర్శనాలు నిలిపివేస్తున్నట్లు అధికారులు తెలిపారు. కరోనా కేసులు పెరుగుతుండడంతో ఈ నిర్ణయం తీసుకున్నామని వెల్లడించారు. అయితే, స్వామివారికి అర్చకులు నిత్యం పూజలు చేస్తారని చెప్పారు. ఇప్పటికే ఇద్దరు ఆలయ సిబ్బంది, ఓ అర్చకుడు కరోనా పాజిటివ్‌గా పరీక్షించారు. అలాగే గ్రామంలో 50కిపైగా కొవిడ్‌ కేసులు నమోదయ్యాయి. మహారాష్ట్ర, ఛత్తీస్‌గఢ్‌ నుంచి ఎక్కువగా భక్తులు వస్తున్నందున కరోనా వ్యాప్తికి అవకాశం ఉండడంతో భక్తులకు అనుమతి ఇవ్వకూడదని నిర్ణయించినట్లు చెప్పారు.

ఇవి కూడా చదవండి..

కరోనాతో కాంగ్రెస్‌ సీనియర్‌ నేత మృతి

భారత్‌కు మే 1న ‘స్పుత్నిక్‌-వీ’ మొదటి బ్యాచ్‌ : ఆర్‌డీఐఎఫ్‌

కాస్త తగ్గినయ్‌.. కొత్తగా 3.23లక్షల కరోనా కేసులు, 2,771 మరణాలు