Cyclone Arnab | ఏపీలో అర్నబ్‌ బీభత్సం.. పలు జిల్లాలో ఏడుగురు మృతి

Cyclone Arnab | అర్నబ్‌ తుఫాన్‌ కారణంగా ఆంధ్రప్రదేశ్‌లోని పలు జిల్లాలో ఏడుగురు మృతి చెందారు.

అమరావతి : అర్నబ్‌ తుఫాన్‌ ( Cyclone Arnab ) కారణంగా ఆంధ్రప్రదేశ్‌లోని పలు జిల్లాలో ఏడుగురు మృతి (Died ) చెందారు. పశ్చిమ గోదావరి జిల్లాలోని భీమవరంలో చెట్టు విరిగిపడి కిషోర్‌ అనే వ్యక్తి మృతి చెందగా , బొండాడవారి వీధిలో విద్యుత్‌ స్తంభం విరిగిపడి రాంబాబు అనే వ్యక్తి మరణించాడు.కోనసీమ జిల్లా సఖినేటిపల్లి మండలం ప్రకాష్‌పురంలో వృద్ధురాలు , వర్షానికి గుడిసె కూలి కొల్లు వెంకాయమ్మ దుర్మరణం చెందారు .

అనకాపల్లి జిల్లా ఎలమంచిలిలో ఈదురుగాలులకు విద్యుత్‌ తీగలు తెగి రోడ్డుపై పడడంతో తీగలు తగిలి మహిళ మృతి చెందింది . విశాఖ పాత గోశాల సమీపంలో విద్యుత్‌ స్తంభం కూలి మహిళ, బాలాజీనగర్‌లో మాధవి అనే మహిళ మృతి చెందింది. కాగా అర్నబ్‌ ప్రభావంతో మరణించిన కుటుంబాలకు రాష్ట్ర ప్రభుత్వం రూ.5లక్షల పరిహారాన్ని ప్రకటించింది .