Transport Department | వాహన దారులకు పారదర్శక సేవలు : రవాణా శాఖ

Transport Department | కేంద్ర విజిలెన్స్ కమిషన్ పిలుపు మేరకు విజిలెన్స్ అవగాహన వారోత్సవం తెలంగాణ రవాణా శాఖ , అవినీతి నిరోధక శాఖ సంయుక్త ఆధ్వర్యంలో బుధవారం హైదరాబాద్‌లోని రవాణా కమిషనర్ కార్యాలయంలో సత్యనిష్ఠతో సమృద్ధి అనే నినాదంతో కార్యక్రమాన్ని నిర్వహించారు.

హైదరాబాద్ : కేంద్ర విజిలెన్స్ కమిషన్ (CVC) పిలుపు మేరకు విజిలెన్స్ అవగాహన వారోత్సవం తెలంగాణ రవాణా శాఖ (Transport Department)  , అవినీతి నిరోధక శాఖ( ACB ) సంయుక్త ఆధ్వర్యంలో బుధవారం హైదరాబాద్‌లోని రవాణా కమిషనర్ కార్యాలయంలో సత్యనిష్ఠతో సమృద్ధి అనే నినాదంతో కార్యక్రమాన్ని నిర్వహించారు.

ఈ సందర్భంగా రవాణా శాఖ జాయింట్ ట్రాన్స్‌పోర్ట్ కమిషనర్లు ఎం. చంద్రశేఖర్ గౌడ్, శివలింగయ్య, వెంకట రమణ మాట్లాడుతూ, ప్రజలతో నేరుగా సంబంధం ఉన్న రవాణా శాఖలో ప్రతి ఉద్యోగి జవాబుదారీతనంతో, సేవాభావంతో పనిచేయాలని పిలుపునిచ్చారు. పౌరులకు పారదర్శకమైన, వేగవంతమైన సేవలు అందించేందుకు రవాణా శాఖ అనేక సంస్కరణలు చేపట్టిందని వివరించారు. ఈ చర్యల ద్వారా రవాణా శాఖలో నివారణాత్మక విజిలెన్స్‌ను బలోపేతం చేస్తున్నామని, పౌరులు కూడా దళారులను ఆశ్రయించకుండా ఆన్‌లైన్ సేవలను నేరుగా వినియోగించుకోవాలని వారు కోరారు.

ఏసీబీ డీఎస్పీలు శ్రీనివాస్ రెడ్డి, లక్ష్మీకాంత్ రెడ్డి, చలపతి, రాజేష్ మాట్లాడుతూ, అవినీతిని రూపుమాపడం ప్రభుత్వ ఉద్యోగులతో పాటు ప్రతి పౌరుడి ఉమ్మడి బాధ్యత అని అన్నారు. లంచం ఇవ్వడం, తీసుకోవడం రెండూ చట్టరీత్యా నేరాలేనని స్పష్టం చేశారు. తప్పు జరిగిన తర్వాత చర్యలు తీసుకోవడం కంటే, తప్పు జరగకుండా ముందే అడ్డుకునే నివారణాత్మక విజిలెన్స్ ముఖ్యమని, ఇందుకు ఉద్యోగుల్లో అవగాహన పెంచాల్సిన అవసరం ఉందని పేర్కొన్నారు.