సీఎం కప్‌ కబడ్డీ విజేత రంగారెడ్డి

సీఎం కప్‌ రాష్ట్ర స్థాయి కబడ్డీ టోర్నీలో రంగారెడ్డి ఓవరాల్‌ విజేతగా నిలిచింది. సోమవారం జిల్లా కేంద్రంలోని ఇండోర్‌ స్టేడియంలో జరిగిన వేర్వేరు ఫైనల్స్‌లో రంగారెడ్డి జట్లు అద్భుత ప్రదర్శన కనబరిచాయి.

మహబూబ్‌నగర్‌ అర్బన్‌, డిసెంబర్‌ 30 : సీఎం కప్‌ రాష్ట్ర స్థాయి కబడ్డీ టోర్నీలో రంగారెడ్డి ఓవరాల్‌ విజేతగా నిలిచింది. సోమవారం జిల్లా కేంద్రంలోని ఇండోర్‌ స్టేడియంలో జరిగిన వేర్వేరు ఫైనల్స్‌లో రంగారెడ్డి జట్లు అద్భుత ప్రదర్శన కనబరిచాయి. బాలుర తుదిపోరులో రంగారెడ్డి 34-31తో వనపర్తిపై విజయం సాధించింది. బాలికల ఫైనల్లోనూ రంగారెడ్డి 57-39తో నల్లగొండపై గెలిచింది. బాలుర కేటగిరీలో నల్లగొండ, బాలికల విభాగంలో హైదరాబాద్‌ మూడో స్థానంలో నిలిచాయి. బహుమతి ప్రదాన కార్యక్రమంలో టీవోఏ అధ్యక్షుడు జితేందర్‌రెడ్డి పాల్గొన్నారు.