భార‌త్‌లో బోరిస్ జాన్స‌న్ ప‌ర్య‌ట‌న కుదింపు

లండన్ : పెరుగుతున్న కొవిడ్‌-19 కేసుల మధ్య బ్రిట‌న్ ప్ర‌ధాని బోరిస్ జాన్సన్ తన భారత పర్యటనను కుదించుకున్నారు.

April 14, 2021 / 08:29 PM IST

భార‌త్‌లో బోరిస్ జాన్స‌న్ ప‌ర్య‌ట‌న కుదింపు

లండన్ : పెరుగుతున్న కొవిడ్‌-19 కేసుల మధ్య బ్రిట‌న్ ప్ర‌ధాని బోరిస్ జాన్సన్ తన భారత పర్యటనను కుదించుకున్నారు. బోరిస్‌ జాన్సన్ ఈ నెలాఖరులో భారత పర్యటనకు వ‌చ్చేందుకు ఏర్పాట్లు పూర్త‌య్యాయి.

ప్ర‌పంచ వ్యాప్తంగా మ‌రోసారి క‌రోనా వైర‌స్ త‌న ప్ర‌తాపాన్ని చూపుతుండ‌టంతో ప‌లు దేశాల్లో లాక్‌డౌన్‌లు విధిస్తున్నారు. వ్యాక్సిన్లు ఇవ్వ‌డం ముమ్మ‌రంగా సాగుతున్న‌ప్ప‌టికీ కొవిడ్‌-19 వేగంగా వ్యాప్తిచెందుతుండ‌టం ప‌ట్ల స‌ర్వ‌త్రా ఆందోళ‌న వ్య‌క్త‌మ‌వుతున్న‌ది.

ఏప్రిల్ నెలాఖ‌రులో భార‌త ప‌ర్య‌ట‌న‌కు వ‌స్తున్న బోరిస్ జాన్సన్ భార‌త‌ ప్రధానమంత్రి నరేంద్ర మోదీతో స‌మావేశ‌మ‌వుతార‌ని వార్తా సంస్థ రాయిటర్స్ తెలిపింది. పర్యటన యొక్క సవరించిన వ్యవధి, షెడ్యూల్, ఇతర వివరాలు త్వరలో వెల్లడి కానున్నాయి.

అంతకుముందు, ఈ ఏడాది రిపబ్లిక్ డే పరేడ్‌లో బోరిస్ జాన‌స‌న్‌ ముఖ్య అతిథిగా హాజరవుతారని భావించారు. అయితే, బ్రిట‌న్‌లో కొవిడ్‌-19 పరిస్థితులు తీవ్రంగా పెరుగుతున్న ఆందోళనల దృష్ట్యా ఈ పర్యటన వాయిదా పడింది. ప్ర‌స్తుత ప‌ర్య‌ట‌న‌లో ర‌క్ష‌ణ‌, భ‌ద్ర‌తా ఒప్పందాలు, చైనా, కొవిడ్‌-19 వ్యాక్సిన్ త‌దిత‌రాల‌పై ఇరుదేశాల మ‌ధ్య చ‌ర్చ‌లు జ‌రుగ‌నున్న‌ట్లు స‌మాచారం.

త‌మ దేశ ప్ర‌ధాని జనవరిలో రావాలని అనుకోగా.. కొవిడ్ ప‌రిస్థితి విష‌మించ‌డంతో త‌న ప‌ర్య‌ట‌న‌ను ర‌ద్దు చేసుకున్నార‌ని ఢిల్లీలోని బ్రిటిష్ హ‌క‌మిష‌న‌ర్ అలెక్స్ ఎల్లీస్ తెలిపారు.ఇప్పుడు అతను రావడానికి చాలా ఆసక్తిగా ఉన్నారు. ఎదురుచూస్తున్నారు అని చెప్పారు. యూరోపియన్ యూనియన్ నుంచి బ్రిటన్ నిష్క్రమించిన తరువాత బ్రిట‌న్‌ ప్రధానమంత్రి చేస్తున్న‌ మొదటి పర్యటన ఇదే.