Bathukamma | బతుకమ్మ పండుగకు కనీస ఏర్పాట్లు చేయని కాంగ్రెస్‌ సర్కార్‌.. వీడియో

Bathukamma | బతుకమ్మ సంబురాల్లో భాగంగా జనగామ పట్టణంలో ఎంగిలిపూల బతుకమ్మ పండుగ సందర్భంగా మహిళలంతా బతుకమ్మ పాటలు పాడుకొని, ఆటలు ఆడుకొని బతుకమ్మను నిమజ్జనం చేయడానికి రంగప్ప చెరువు వద్దకు వెళ్లారు.

Bathukamma | తెలంగాణ సంస్కృతి, సంప్రదాయాలకు అద్దం పట్టే పండుగ బతుకమ్మ. తీరొక్క పూలతో అంగరంగవైభవంగా జరుపుకునే బతుకమ్మ పండుగకు కాంగ్రెస్‌ సర్కార్‌ కనీస ఏర్పాట్లు చేయాలన్న ఆలోచన కూడా చేయలేదని తాజా వీడియో చెప్పకనే చెబుతోంది.

బతుకమ్మ సంబురాల్లో భాగంగా జనగామ పట్టణంలో ఎంగిలిపూల బతుకమ్మ పండుగ సందర్భంగా మహిళలంతా బతుకమ్మ పాటలు పాడుకొని, ఆటలు ఆడుకొని బతుకమ్మను నిమజ్జనం చేయడానికి రంగప్ప చెరువు వద్దకు వెళ్లారు. అయితే ఆ చెరువులో బతుకమ్మలను నిమజ్జనం చేసేందుకు చుక్క నీరు కూడా లేదు. దీంతో చేసేదేమి లేక మహిళలు బతుకమ్మ ఎండిపోయిన చెరువులోనే నిమజ్జనం చేశారు.

చెరువులో కనీసం నీళ్లు లేకపోవడం, ప్రభుత్వం బతుకమ్మల కోసం ఎలాంటి ఏర్పాట్లు చేయకపోవడంతో భూమిపైనే బతుకమ్మలను నిమజ్జనం చేసే పరిస్థితి రావడంపై మహిళలు, స్థానికులు తీవ్ర ఆగ్రహం వ్యక్తం చేశారు. దీనికి సంబంధించిన వీడియో నెట్టింట చక్కర్లు కొడుతోంది.

 

నీళ్ళు లేక నేలపైనే బతుకమ్మను నిమజ్జనం చేసిన మహిళలు

జనగామ పట్టణంలో ఎంగిలిపూల బతుకమ్మ పండుగ సందర్భంగా బతుకమ్మను నిమజ్జనం చేయడానికి రంగప్ప చెరువు వద్దకు వెళ్లిన మహిళలు

అక్కడ నీళ్ళు లేకపోవడం, ప్రభుత్వం ఎలాంటి ఏర్పాట్లు చేయకపోవడంతో భూమిపైనే బతుకమ్మలను నిమజ్జనం చేసి తీవ్ర ఆగ్రహం వ్యక్తం చేసిన మహిళలు

— Telugu Scribe (@TeluguScribe) October 11, 2026