Patnam Narendar Reddy | పట్టభద్రులు ఓటర్ల జాబితాలో తమ పేర్లను నమోదు చేయించుకోవాలి : మాజీ ఎమ్మెల్యే పట్నం

Patnam Narendar Reddy | రాబోయే ఎమ్మెల్సీ ఎన్నికల సందర్భంగా పట్టభద్రులు ఓటర్ల జాబితాలో తమ పేర్లను నమోదు చేయించుకోవాలని బీఆర్‌ఎస్‌ నాయకుడు, మాజీ ఎమ్మెల్యే పట్నం నరేందర్ రెడ్డి కోరారు.

మహబూబ్‌నగర్‌ : రాబోయే ఎమ్మెల్సీ ఎన్నికల సందర్భంగా పట్టభద్రులు ( Graduates ) ఓటర్ల జాబితాలో తమ పేర్లను నమోదు చేయించుకోవాలని బీఆర్‌ఎస్‌ నాయకుడు, మాజీ ఎమ్మెల్యే పట్నం నరేందర్ రెడ్డి ( Patnam Narendar Reddy ) కోరారు. ఉమ్మడి మహబూబ్‌నగర్,రంగారెడ్డి,హైదరాబాద్ పట్టభద్రుల ఎమ్మెల్సీ ఎన్నికల నేపథ్యంలో కొడంగల్ నియోజకవర్గంలోని బొమ్మరాస్పేట్, దుద్యాల కొడంగల్ , కొడంగల్ మున్సిపాలిటీ పట్టభద్రుల ఓటర్ల నమోదు ప్రక్రియ ఆదివారం కొడంగల్‌లో ప్రారంభమైంది,

ఈ సందర్భంగా ఆయన మాట్లాడుతూ ఇప్పటివరకు ఓటు నమోదు చేసుకోని కొత్త పట్టభద్రు లు తప్పనిసరిగా తమ ఓటును నమోదు చేసుకోవాలని పిలుపునిచ్చారు. ఇప్పటికే ఓటు ఉన్న పట్టభద్రులు కూడా తమ ఓటు వివరాలు సరిగా ఉన్నాయో లేదో ఒకసారి పరిశీలించు కోవాలని, ప్రతి పట్టభద్రుడు తన ఓటు హక్కును వినియోగించుకునేలా నమోదు చేసుకోవాల ని సూచించారు.  కార్యక్రమంలో బీఆర్‌ఎస్‌ నాయకులు, తదితరులు పాల్గొన్నారు.