Boyfriend Stabs Girl | ఇతర అబ్బాయిలతో మాట్లాడుతున్నదని.. యువతిని చంపిన ప్రియుడు
Boyfriend Stabs Girl | ఒక యవతి ఇతర అబ్బాయిలతో మాట్లాడటంపై ఆమె ప్రియుడు ఆగ్రహించాడు. ఈ విషయంపై వారిద్దరి మధ్య వాగ్వాదం జరిగింది. ఈ నేపథ్యంలో ఆ వ్యక్తి కత్తితో పొడిచి యువతిని హత్య చేశాడు. ఆ తర్వాత ఆత్మహత్య చేసుకునేందుకు అతడు ప్రయత్నించాడు.
చెన్నై: ఒక యవతి ఇతర అబ్బాయిలతో మాట్లాడటంపై ఆమె ప్రియుడు ఆగ్రహించాడు. ఈ విషయంపై వారిద్దరి మధ్య వాగ్వాదం జరిగింది. ఈ నేపథ్యంలో ఆ వ్యక్తి కత్తితో పొడిచి యువతిని హత్య చేశాడు. ఆ తర్వాత ఆత్మహత్య చేసుకునేందుకు అతడు ప్రయత్నించాడు. (Boyfriend Stabs Girl) తమిళనాడులోని తూత్తుకుడి జిల్లాలో ఈ సంఘటన జరిగింది. సోలైపుదురుకు చెందిన 17 ఏళ్ల అబర్ణ ఇంటర్ చదువుతున్నది. ప్లంబర్గా పని చేస్తున్న 23 ఏళ్ల ముత్తురాజ్తో రెండేళ్లుగా ఆమెకు పరిచయం ఉన్నది.
కాగా, ఇతర అబ్బాయిలతో మాట్లాడవద్దని అబర్ణను గతంలో ముత్తురాజ్ హెచ్చరించాడు. అయినా ఆమె తన మాట వినకపోవడంతో అతడు ఆగ్రహించాడు. శనివారం ఉదయం అబర్ణ ఇంట్లో ఒంటరిగా ఉన్న సమయంలో ముత్తురాజ్ అక్కడకు చేరుకున్నాడు. తన వెంట కత్తి, విషం తెచ్చాడు. ఇతర అబ్బాయిలతో ఆమె మాట్లాడే విషయంపై వారిద్దరి మధ్య వాగ్వాదం జరిగింది.
అయితే ముత్తురాజ్ మాట వినేందుకు ప్రియురాలు అబర్ణ నిరాకరించింది. ఆగ్రహించిన అతడు ఆమె గొంతు నులిమాడు. అలాగే ఆమె ఎడమ వైపు ఛాతి కింది భాగం, వీపుపై కత్తితో పొడిచాడు. దీంతో ఆ యువతి అక్కడికక్కడే మరణించింది. ఆ తర్వాత ముత్తురాజ్ ఆత్మహత్యకు యత్నించాడు. కత్తితో తన ఎడమ మణికట్టును కోసుకోవడంతో పాటు కొంత విషాన్ని సేవించాడు.
మరోవైపు ఈ విషయం తెలుసుకున్న పోలీసులు సంఘటనా స్థలానికి చేరుకున్నారు. నిందితుడు ముత్తురాజ్ను అదుపులోకి తీసుకున్నారు. చికిత్స కోసం తూత్తుకుడి ప్రభుత్వ వైద్య కళాశాల ఆసుపత్రికి అతడ్ని తరలించారు. అబర్ణ మృతదేహాన్ని కూడా పోస్ట్మార్టం కోసం అదే ఆసుపత్రికి తరలించారు. ఈ సంఘటనపై దర్యాప్తు చేస్తున్నట్లు పోలీస్ అధికారి తెలిపారు.
కాగా, యువతి హత్య తమిళనాడులో రాజకీయ వివాదానికి దారి తీసింది. తూత్తుకుడి నియోజకవర్గానికి ప్రాతినిధ్యం వహిస్తున్న డీఎంకే ఎంపీ కనిమొళి ఈ హత్యను ఖండించారు. మహిళల భద్రత పట్ల టీవీకే ప్రభుత్వం నిబద్ధతను ఆమె ప్రశ్నించారు.
Read Today's Latest National News in Telugu and Telugu News
RELATED ARTICLES
తాజా వార్తలు
KTR | రేవంత్ రెడ్డి ఫ్యూచర్ సిటీ అంటే అది కాదు..! ఫ్యూచర్ ఉన్న సిటీ మన వరంగల్
Boyfriend Stabs Girl | ఇతర అబ్బాయిలతో మాట్లాడుతున్నదని.. యువతిని చంపిన ప్రియుడు
Bomb Threat | హైదరాబాద్లో బాంబులు పేలుస్తాం.. పోలీసులకు బెదిరింపు మెయిల్
KTR | రేవంత్ రెడ్డి , మంత్రి పొంగులేటి శ్రీనివాస్ రెడ్డి బిడ్డల కోసం ఇంటర్మీడియట్ విద్యా వ్యవస్థను రద్దు
KTR | కాంగ్రెస్ మోసాలను ప్రజలకు మరోసారి గుర్తు చేసిన కేటీఆర్
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

