Rohit Sharma Daughter | ‘మా డాడీ మ‌ళ్లీ న‌వ్వుతాడు’.. హిట్‌మ్యాన్ కూతురు వీడియో వైర‌ల్

Rohit Sharma Daughter : సొంతగ‌డ్డ‌పై జ‌రిగిన వ‌ర‌ల్డ్ క‌ప్ ఫైనల్లో భార‌త జ‌ట్టు(Team India) అనూహ్య ఓట‌మితో ఆట‌గాళ్లు కన్నీటిప‌ర్యంత‌మ‌య్యారు. క‌ల‌ల క‌ప్ చేజారిన వేళ‌ కెప్టెన్ రోహిత్ శ‌ర్మ(Rohit Sharma) స‌హా అంద‌రూ చిన్న‌పిల్ల‌ల మాదిరిగా ఏడ్చేశారు. హిట్‌మ్యాన్, కోహ్లీ త‌మ క‌న్నీళ్న‌ను దిగ‌మింగిన దృశ్యాలు ప్ర‌తి భార‌తీయుడిని....

Rohit Sharma Daughter : సొంతగ‌డ్డ‌పై జ‌రిగిన వ‌ర‌ల్డ్ క‌ప్ ఫైనల్లో భార‌త జ‌ట్టు(Team India) అనూహ్య ఓట‌మితో ఆట‌గాళ్లు కన్నీటిప‌ర్యంత‌మ‌య్యారు. క‌ల‌ల క‌ప్ చేజారిన వేళ‌ కెప్టెన్ రోహిత్ శ‌ర్మ(Rohit Sharma) స‌హా అంద‌రూ చిన్న‌పిల్ల‌ల మాదిరిగా ఏడ్చేశారు. హిట్‌మ్యాన్, కోహ్లీ త‌మ క‌న్నీళ్న‌ను దిగ‌మింగిన దృశ్యాలు ప్ర‌తి భార‌తీయుడిని క‌దిలించాయి. దాంతో, మాజీ క్రికెట‌ర్ల‌తో పాటు అభిమానులు రోహిత్ సేనకు బాస‌ట‌గా నిలిచారు. ఈ స‌మ‌యంలో రోహిత్ గారాలప‌ట్టీ స‌మైరా(Samaira) పాత వీడియో ఒక‌టి వైర‌ల్ అవుతోంది.

అందులో స‌మైరా త‌న త‌ల్లి రితికా స‌జ్‌దేహ్‌తో క‌లిసి వెళ్తోంది. అప్పుడు.. మీడియా వాళ్లు తండ్రి రోహిత్ గురించి అడుగ‌గా.. ‘అత‌డు గ‌దిలో ఉన్నాడు. పాజిటివ్‌గానే ఉన్నాడు. మ‌రొక నెల‌లో అత‌డు మ‌ళ్లీ న‌వ్వుతాడు’ అని స‌మైరా ముద్దుముద్దు మాట‌ల‌తో చెప్పింది. ఆ వీడియో చూసిన‌వాళ్లంతా ‘ఎస్ స‌మైరా.. నువ్వు చెప్పింది నిజ‌మే’ అంటూ కామెంట్లు పెడుతున్నారు.

The way she answered 🥹❤

Samaira said : He is in a room, he is almost positive & within one month he will laugh again.@ImRo45 pic.twitter.com/yt3iSQa6MP

— 46thcenturywhenRohit (@RohitCharan_45) November 23, 2023

పుష్క‌ర‌కాలం త‌ర్వాత స్వ‌దేశంలో జ‌రిగిన‌ ప్ర‌పంచ క‌ప్‌లో రోహిత్ దంచికొట్టాడు. 597 ప‌రుగుల‌తో రెండో టాప్ స్కోర‌ర్‌గా నిలిచాడు. అంతేకాదు ఈ వ‌ర‌ల్డ్ క‌ప్‌లో అత్య‌ధిక ర‌న్స్ బాదిన‌ కెప్టెన్‌గా రోహిత్ రికార్డు నెల‌కొల్పాడు. లీగ్ ద‌శ‌నుంచి హిట్‌మ్యాన్ విలువైన ఇన్నింగ్స్‌లు ఆడి జ‌ట్టులో స్థైర్యాన్ని నింపాడు. ఫైన‌ల్లో కూడా ఆసీస్ బౌల‌ర్ల‌పై ఎదురుదాడికి దిగిన రోహిత్ 47 ప‌రుగులు చేసి ఔట‌య్యాడు.

ఆ త‌ర్వాత కోహ్లీ(56), కేఎల్ రాహుల్(66) రాణించ‌డంతో భార‌త్.. ఆసీస్‌కు 241 ప‌రుగుల ల‌క్ష్యాన్ని నిర్దేశించింది. మ‌న‌వాళ్లు త‌డ‌బ‌డిన చోట ఆసీస్ ఓపెన‌ర్ ట్రావిస్ హెడ్(137) సెంచ‌రీతో చెల‌రేగాడు. మూడు వికెట్లు వెంట వెంట‌నే ప‌డినా.. మార్న‌స్ ల‌బూషేన్(58)తో క‌లిసి ప‌ట్టుద‌ల‌గా ఆడి ఆస్ట్రేలియాను గెలిపించాడు. దాంతో, సొంత గ‌డ్డ‌పై రెండోసారి క‌ప్పు అందుకోవాల‌నుకున్న భార‌త జ‌ట్టు ఆశ‌లు అడియాస‌ల‌య్యాయి.

ఇవి కూడా చ‌ద‌వండి

• Telangana | గోదావరికి జలతోరణం.. కాకతీయుల స్ఫూర్తితో సీఎం కేసీఆర్‌ ఆవిష్కరించిన అద్భుతం..

• Zaheerabad | కేసీఆర్ సభకు జైకొట్టిన జహీరాబాద్..

• Abdul Razzaq | ఫైన‌ల్లో భార‌త్ ఓడిపోవ‌డం మంచిదే.. మ‌రోసారి టీమిండియాపై ర‌జాక్‌ అక్క‌సు