తెలంగాణలో కొత్తగా 965 కరోనా కేసులు

తెలంగాణ కరోనా కేసులు| రాష్ట్రంలో కరోనా మహమ్మారి విజృంభిస్తోంది. రోజు రోజుకు పాజిటివ్‌ కేసుల సంఖ్య పెరుగుతుండడంతో ఆందోళన కలిగిస్తున్నది.

హైదరాబాద్‌ : రాష్ట్రంలో కరోనా మహమ్మారి విజృంభిస్తోంది. రోజు రోజుకు పాజిటివ్‌ కేసుల సంఖ్య పెరుగుతుండడంతో ఆందోళన కలిగిస్తున్నది. గడిచిన 24 గంటల్లో తెలంగాణలో కొత్తగా 965 కొవిడ్ పాజిటివ్‌ కేసులు నిర్ధారణ అవగా.. ఐదు మరణాలు నమోదయ్యాయని రాష్ట్ర వైద్య ఆరోగ్యశాఖ హెల్త్ బులిటెన్‌లో తెలిపింది. మరో 312 మంది బాధితులు కోలుకొని హాస్పిటల్‌ నుంచి డిశ్చార్జి అయ్యారు. మరో వైపు క్రియాశీల కేసులు ఆరువేలు దాటాయి.

ప్రస్తుతం 6,159 యాక్టివ్‌ కేసులున్నాయని, ప్రసుతం హోం ఐసోలేషన్‌లో 2,622 మంది బాధితులున్నట్లు ఆరోగ్యశాఖ తెలిపింది. తాజాగా నమోదైన కేసుల్లో 254 కేసులు జీహెచ్‌ఎంసీలోనే ఉన్నాయి. జీహెచ్‌ఎంసీతో పాటు జిల్లాల్లోనూ పాజిటివ్‌ కేసులు భారీగా పెరుగుతున్నాయి. రాష్ట్రంలో నిన్న ఒకే రోజు రాష్ట్రంలో నిన్న 59,343 శాంపిల్స్‌ పరీక్షించినట్లు ఆరోగ్యశాఖ చెప్పింది. తాజాగా నమోదైన కేసులతో రాష్ట్రంలో మొత్తం పాజిటివ్‌ కేసుల సంఖ్య 3,09,741కి చేరగా.. మరణాల సంఖ్య 1,706కు పెరిగింది.

ఇవి కూడా చదవండి..

అలియాభట్‌కు కరోనా పాజిటివ్‌

ఐదు రైల్వే మార్గాల్లో విద్యుదీకరణ పూర్తి

ఖమ్మంలో అభివృద్ధి పనులను ప్రారంభించనున్న మంత్రి కేటీఆర్

ఢిల్లీలో కరోనా పంజా.. సీఎం అత్యవసర సమావేశం

దేశంలో 6.75 కోట్ల డోసుల కొవిడ్‌ టీకా పంపిణీ

కరోనా ఎఫెక్ట్‌.. ముంబై – అహ్మదాబాద్‌ తేజస్‌ ఎక్స్‌ప్రెస్‌ రద్దు

పట్టాలెక్కనున్న మరో ఐదు ప్రత్యేక రైళ్లు