Visit:
కన్నడ అగ్ర నటులు శివరాజ్‌కుమార్‌, ఉపేంద్ర, రాజ్‌ బి.శెట్టి ప్రధాన పాత్రధారులుగా రూపొందుతున్న విభిన్న కథాచిత్రం ‘45 ది మూవీ’. అర్జున్‌ జన్య దర్శకుడు. ఉమా రమేశ్‌రెడ్డి, ఎం.రమేశ్‌రెడ్డి నిర్మాతలు. కన్నడంలో రూపొందుతున్న ఈ పాన్‌ఇండియా చిత్రం తెలుగులోనూ అదే పేరుతో విడుదల కానున్నది. చిత్ర నిర్మాణం తుది దశకు చేరుకున్నది.
క్రిస్మస్‌ కానుకగా డిసెంబర్‌ 25న సినిమాను విడుదల చేయనున్నారు. ప్రచారంలో భాగంగా ఈసినిమా నుంచి ఓ పాటను మేకర్స్‌ విడుదల చేశారు. ‘గెలుపు తలుపు దొరుకు వరకు దిగులు పడకురా..’ అంటూ సాగే ఈ క్రేజీ సాంగ్‌ని రోల్‌ రైడా రాసి, వినాయక్‌తో కలిసి ఆలపించారు. జానీ మాస్టర్‌ నృత్య రీతుల్ని సమకూర్చారు.
ఓ వైవిధ్యమైన వాతావరణంలో ఈ పాట చిత్రీకరణ జరిగినట్టు తెలుస్తున్నది. శివరాజ్‌కుమార్‌, ఉపేంద్ర, రాజ్‌.బి శెట్టి ఈ పాటలో క్రేజీగా కనిపించారు. ఈ చిత్రానికి మాటలు: అనిల్‌కుమార్‌, కెమెరా: సత్య హెగ్డే, నిర్మాణం: సూరజ్‌ ప్రొడక్షన్స్‌, కథ, సంగీతం, దర్శకత్వం: అర్జున్‌ జన్య.
