Viral Video | త‌న‌కు క్యాన్స‌ర్ లేద‌ని భ‌ర్త‌కు చెబుతూ భావోద్వేగానికి లోనైన మ‌హిళ‌

క్యాన్స‌ర్‌తో పోరాడుతున్న రోగికి మీకు క్యాన్స‌ర్ లేద‌ని చెబితే ఆ ఆనందానికి అవ‌ధులు అంటూ ఉండ‌వు. ప్రాణాంతక వ్యాధితో బాధ‌ప‌డుతున్న మ‌హిళ త‌న రిపోర్ట్స్ చూసి ఆశ్చ‌ర్యానికి లోనైన వీడియో (Viral Video) ప్ర‌స్తుతం నెట్టింట వైర‌ల్‌గా మారింది.

న్యూఢిల్లీ : క్యాన్స‌ర్‌తో పోరాడుతున్న రోగికి మీకు క్యాన్స‌ర్ లేద‌ని చెబితే ఆ ఆనందానికి అవ‌ధులు అంటూ ఉండ‌వు. ప్రాణాంతక వ్యాధితో బాధ‌ప‌డుతున్న మ‌హిళ త‌న రిపోర్ట్స్ చూసి ఆశ్చ‌ర్యానికి లోనైన వీడియో (Viral Video) ప్ర‌స్తుతం నెట్టింట వైర‌ల్‌గా మారింది. ఆ రిపోర్ట్స్‌లో త‌న‌కు క్యాన్స‌ర్ లేద‌ని తేల‌డంతో ఆమె సంతోషంతో ఉబ్బిత‌బ్బిబ్బ‌య్యారు.

 

View this post on Instagram

 

A post shared by 𝗠𝗮𝗷𝗶𝗰𝗮𝗹𝗹𝘆 𝗡𝗲𝘄𝘀 (@majicallynews)

ఆనందంతో క‌న్నీటిప‌ర్యంత‌మైన క్ష‌ణాల‌ను ఆమె రికార్డు చేయ‌డంతో పాటు త‌న‌కు క్యాన్స‌ర్ లేద‌నే శుభ వార్త‌ను భ‌ర్త‌తో పంచుకోవాల‌ని నిర్ణ‌యించుకున్నారు. ఆమె భ‌ర్త మ‌రో గ‌దిలో మీటింగ్‌లో బిజీగా ఉన్నారు. భ‌ర్త‌ను బ‌య‌ట‌కు పిలిచిన ఆమె క్యాన్స‌ర్ పూర్తిగా న‌య‌మైంది..ఇప్పుడ‌ది లేదు అని చెబుతూ భ‌ర్త‌ను కౌగిలించుకుని భావోద్వేగానికి లోన‌య్యారు.

ఆ క్ష‌ణంలో మీ ఉద్వేగం..ఆ శుభ‌వార్త‌కు మీకు అభినంద‌న‌లు అని వీడియోకు క్యాప్ష‌న్ ఇచ్చారు. మ‌హిళ‌కు ప‌లువురు నెటిజ‌న్లు శుభాకాంక్ష‌లు తెలుపుతూ కామెంట్స్ సెక్ష‌న్‌లో రాసుకొచ్చారు. మ‌రికొంద‌రు తాము క్యాన్స‌ర్ నుంచి బ‌య‌ట‌ప‌డిన తీరును ప్ర‌స్తావించారు.

Read More

Viral Video | చివ‌రి మ‌జిలీలో చిన్న పిల్ల‌ల్లా మారి.. : 1954 బ్యాచ్ రీయూనియ‌న్‌లో కేరింత‌లు..!