Weather Report | ఈసారి శీతాకాలం భార‌త్‌లో పంజా విసర‌నున్న చ‌లి..!

Weather Report | త్వ‌ర‌లోనే శీతాకాలం ప్రారంభం కానున్న‌ది. ఈ ఏడాది వ‌ర్షాలు భారీగా కురిశాయి. దాంతో ఈ ఏడాది శీతాకాలంలో చ‌లి బాగా ఉంటుందా? అన్న చ‌ర్చ సాగుతుంది. లా నినా ప‌రిస్థితులు ఏర్ప‌డ‌డంతో శీతాకాలంపై ప్ర‌భావం చూపుతుంద‌ని వాతావ‌ర‌ణ నిపుణులు పేర్కొంటున్నారు.

Weather Report | త్వ‌ర‌లోనే శీతాకాలం ప్రారంభం కానున్న‌ది. ఈ ఏడాది వ‌ర్షాలు భారీగా కురిశాయి. దాంతో ఈ ఏడాది శీతాకాలంలో చ‌లి బాగా ఉంటుందా? అన్న చ‌ర్చ సాగుతుంది. లా నినా ప‌రిస్థితులు ఏర్ప‌డ‌డంతో శీతాకాలంపై ప్ర‌భావం చూపుతుంద‌ని వాతావ‌ర‌ణ నిపుణులు పేర్కొంటున్నారు. లా నినా చ‌ల్ల‌టి వాతావ‌ర‌ణాన్ని సూచిస్తుంద‌ని.. లా నినా ఎల్ నినోకు వ్యతిరేక‌మ‌ని వాతావ‌ర‌ణ నిపుణులు చెబుతున్నారు. లా నినా కార‌ణంగా భార‌త్‌లో.. ముఖ్యంగా ఉత్త‌ర భార‌త‌దేశంలో ఎక్కువ‌గా చ‌లి ఉండే అవ‌కాశం ఉంద‌ని అంచ‌నా వేస్తున్నారు. పసిఫిక్ మహాసముద్రం చ‌ల్ల‌బ‌డ‌డం కార‌ణంగా న‌వంబ‌ర్‌, డిసెంబ‌ర్ నెల‌ల్లో ఉత్త‌ర‌భార‌తంలో మ‌రింత మంచు కురుస్తుంద‌ని.. చ‌లిగాలులు వీచే అవ‌కాశం ఉంద‌ని వాతావ‌ర‌ణ నిపుణులు పేర్కొంటున్నారు. యూఎస్ నేషనల్ వెదర్ సర్వీస్ వాతావరణ అంచనా కేంద్రం అక్టోబర్, డిసెంబర్ మధ్య లా నినా అభివృద్ధి చెందే అవకాశం 71 శాతం ఉంటుందని అంచనా వేసింది.

ప్రపంచ వాతావరణ సంస్థ (WMO) సెప్టెంబర్ ప్రారంభంలో లా నినా దృగ్విషయాన్ని ప్రకటించింది. తాత్కాలిక శీత‌ల ప్రభావం ఉన్నప్పటికీ చాలా దేశాలలో ప్రపంచ ఉష్ణోగ్రతలు సగటు కంటే ఎక్కువగా ఉంటాయని సంస్థ అంచనా వేసింది. భార‌త్‌లో భారీ వర్షాలు కురిశాయ‌ని.. ఈ క్ర‌మంలో ప్రజలు తీవ్రమైన చలిని ఎదుర్కోవాల్సి ఉంటుంద‌ని నిపుణులు పేర్కొంటున్నారు. పసిఫిక్ మెరైన్ ఎన్విరాన్‌మెంట్ ల్యాబ్ ప్రకారం.. లా నినా భూమధ్యరేఖ పసిఫిక్‌లో అసాధారణంగా చల్లని సముద్ర ఉష్ణోగ్రతల ద్వారా వర్గీకరించబడుతుంద‌ని.. అయితే ఎల్ నినో భూమధ్యరేఖ పసిఫిక్‌లో అసాధారణంగా వెచ్చని సముద్ర ఉష్ణోగ్రతల ద్వారా వ‌ర్గీక‌రిస్తార‌న్నారు. పసిఫిక్ మహాసముద్రంలో కాలానుగుణ నమూనా అయిన లా నినా, భూమధ్యరేఖ పసిఫిక్‌లో సముద్ర ఉపరితల ఉష్ణోగ్రతలు సగటు కంటే తగ్గడానికి కారణమవుతుంద‌ని.. భార‌త్ భూమధ్యరేఖకు సమీపంలో ఉన్న లా నినా ప్రభావితమైన దేశ‌మ‌ని.. లా నినా ముఖ్యంగా ఉత్తర భార‌త రాష్ట్రాల్లో తీవ్రమైన చలిని క‌లిగిస్తుంద‌ని వాతావ‌ర‌ణ నిపుణులు పేర్కొంటున్నారు.