BRS MP K Keshav Rao: గ‌డిచిన 20 గంట‌లుగా జార్ఖండ్‌లో ఏం జ‌రుగుతోంది : ఎంపీ కేశ‌వ రావు

BRS MP K Keshav Rao: మ‌నీల్యాండ‌రింగ్ కేసులో జార్ఖండ్ సీఎం హేమంత్ సోరెన్‌ను ఈడీ అరెస్టు చేసిన విష‌యం తెలిసిందే. ప్ర‌భుత్వ చ‌ర్య‌ను ఖండిస్తూ ఇవాళ రాజ్య‌స‌భ‌లో విప‌క్ష స‌భ్యులు వాకౌట్ చేశారు. మ‌రో వైపు బీఆర్ఎస్ నేత ఎంపీ కేశ‌వ రావు మాట్లాడుతూ గ‌డిచిన 20 గంట‌లుగా జార్ఖండ్‌లో ఏం జ‌రుగుతోంద‌ని ఆయ‌న ప్ర‌శ్నించారు. అవినీతి ఓ బైండింగ్ మ్యాట‌ర్ అని, కానీ రాజ్యాంగం ప్ర‌కారం అక్క‌డ ప్ర‌భుత్వం ఉండాల‌ని కేశ‌వ‌రావు తెలిపారు.

న్యూఢిల్లీ: భూ కుంభ‌కోణంకు సంబంధించిన మ‌నీల్యాండ‌రింగ్ కేసులో జార్ఖండ్ సీఎం హేమంత్ సోరెన్‌ను ఈడీ అరెస్టు చేసిన విష‌యం తెలిసిందే. ఈ విష‌యాన్ని విప‌క్షాలు ఇవాళ రాజ్య‌స‌భ‌లో లేవనెత్తారు. సీఎం రాజీనామా చేస్తే, పార్ల‌మెంట‌రీ ప్ర‌జాస్వామ్య వ్య‌వ‌స్థ‌లో శూన్య‌త‌ ఏర్ప‌డ‌రాదు అని బీఆర్ఎస్ నేత డాక్ట‌ర్ కే కేశ‌వ‌ రావు తెలిపారు. త‌దుప‌రి చ‌ర్య‌లు చేప‌ట్టే వ‌ర‌కు ఆయ‌న్నే సీఎంగా కొన‌సాగించాల‌న్న అభిప్రాయాన్ని ఆయ‌న వ్య‌క్తం చేశారు. గ‌డిచిన 20 గంట‌ల నుంచి జార్ఖండ్‌లో ఏం జ‌రుగుతోంద‌ని కేశ‌వ‌ రావు ప్ర‌శ్నించారు. రాజ్యాంగం ప్ర‌కారం జార్ఖండ్‌లో ప్ర‌భుత్వం ఉండాల‌ని ఆయ‌న పేర్కొన్నారు. సోరెన్ అరెస్టును ఖండిస్తూ మ‌రో వైపు ఇండియా కూట‌మికి చెందిన ఎంపీలు కూడా నినాదాలు చేశారు. ఆ కూట‌మిలో ఉన్న ఎంపీలు స‌భ నుంచి వాకౌట్ చేశారు. జార్ఖండ్‌లో తీవ్ర‌మైన అవినీతి జ‌రిగింద‌ని, ఇది కేవ‌లం సోరెన్ అరెస్టుకు చెందిన విష‌యం కాదు అని పీయూష్ మిశ్రా తెలిపారు.