Viral news | తొలిరాత్రి పాల గ్లాసుతో శోభనం గదిలోకి వధువు.. తెల్లారేసరికి వరుడికి షాక్‌..!

Viral news | ఆ జంటకు ఇటీవలే వివాహం జరిగింది. పెళ్లి ప్రక్రియ అంతా పూర్తయిన తర్వాత శోభనానికి ముహూర్తం పెట్టారు. వారి దాంపత్య జీవితంలో కీలక ఘట్టం కోసం అన్ని ఏర్పాట్లు చేశారు. శోభనం గదిని పూలు, పండ్లతో అలంకరించి వరుడిని లోపలికి పంపారు.

Viral news : ఆ జంటకు ఇటీవలే వివాహం జరిగింది. పెళ్లి ప్రక్రియ అంతా పూర్తయిన తర్వాత శోభనానికి ముహూర్తం పెట్టారు. వారి దాంపత్య జీవితంలో కీలక ఘట్టం కోసం అన్ని ఏర్పాట్లు చేశారు. శోభనం గదిని పూలు, పండ్లతో అలంకరించి వరుడిని లోపలికి పంపారు. ఆ తర్వాత వధువు చేతికి పాల గ్లాసు ఇచ్చి ఆమెను కూడా పంపించారు. శోభనం గదిలో వధువు చేసిన పనికి ముందుగా వరుడు, ఆ తర్వాత అతని కుటుంబం షాకయ్యింది. ఉత్తరప్రదేశ్‌లోని మహోబా జిల్లాలో ఈ ఘటన చోటుచేసుకుంది.

వివరాల్లోకి వెళ్తే.. ఈ నెల 11న రాజ్‌దీప్‌ రావత్‌, కుషీ తివారీ అనే యువజంట వివాహం జరిగింది. ఓ పురోహితుడు వీరి సంబంధం కుదిర్చాడు. కుషీ తివారీ తల్లికి ఆరోగ్యం బాగాలేదని, త్వరగా వివాహం జరిపించాలని చెప్పి ఆత్రంగా వివాహం జరిపించారు. ఈ పెళ్లి వధువు తరఫున ఆమె సోదరుడు చోటు తివారీ, సోదరుడి స్నేహితుడు వినయ్‌ తివారీ మాత్రమే హాజరయ్యారు.

వివాహం అనంతరం శోభనానికి ముహూర్తం పెట్టారు. పాలగ్లాసుతో వధువు శోభనం గదిలోకి వెళ్లింది. ఆ పాలు తాగిన కాసేపటికే వరుడు మత్తులోకి జారుకున్నాడు. ఎందుకంటే ఆ పాలలో వధువు మత్తుమందు కలిపింది. వరుడి మత్తులోకి జారుకోగానే బంగారు, వెండి ఆభరణాలతో ఆమె ఉడాయించింది. తెల్లారి మత్తు వదలగానే మేల్కొన్న వరుడు వధువు పరారైన విషయం గుర్తించి షాకయ్యాడు.

ఈ ఘటనపై వరుడి తండ్రి పోలీసులకు ఫిర్యాదు చేశాడు. వధువుతోపాటు, ఆమె సోదరుడు చోటు తివారీ, సోదరుడి స్నేహితుడు వినయ్‌ తివారీ, మరో వ్యక్తి పేర్లను ఫిర్యాదులో చేర్చాడు. ఘటనపై పోలీసులు దర్యాప్తు చేపట్టారు. పరారీలో ఉన్న నిందితుల కోసం గాలిస్తున్నట్లు తెలిపారు.