Viral Video | బెంగాలీ స్ప‌ష్టంగా మాట్లాడిన లండ‌న్ డాక్ట‌ర్

లండ‌న్ డాక్ట‌ర్ బెంగాలీలో స్ప‌ష్టంగా మాట్లాడుతున్న వీడియో సోష‌ల్ మీడియాలో వైర‌ల్‌గా మారింది.

న్యూఢిల్లీ : ఓ లండ‌న్ డాక్ట‌ర్ బెంగాలీలో స్ప‌ష్టంగా మాట్లాడుతున్న వీడియో (Viral Video)  సోష‌ల్ మీడియాలో వైర‌ల్‌గా మారింది. హ‌లీమా ఖాన్ ట్విట్ట‌ర్‌లో ఈ క్లిప్‌ను షేర్ చేయ‌గా ఇప్పుడ‌ది సోషల్ మీడియాలో తెగ వైర‌ల‌వుతోంది. ఈ క్లిప్‌లో వైద్యులుగా ఇటీవ‌ల ప‌ద‌వీవిర‌మ‌ణ పొందిన డాక్ట‌ర్ అన్నా లివింగ్ స్టోన్ విలేకరుల‌తో బెంగాలీని స్ప‌ష్టంగా మాట్లాడ‌టం క‌నిపించింది.

This superhero is a retired GP in Limehouse East London

I’m in tears because she’s saying she learned Bengali in the 80’s to understand her patients because there were no interpreters 😭

This is British pride 🇬🇧 she should be a household name 😭❤️ pic.twitter.com/fp5JK3GKr4

— Halima Khan (@HalimaNyomi) March 8, 2023

1980ల్లో అప్ప‌ట్లో అనువాద‌కులు లేక‌పోవ‌డంతో రోగులు చెప్పే విష‌యాల‌ను గ్ర‌హించేందుకు లివింగ్‌స్టోన్ బెంగాలీని నేర్చుకుంది. రోగుల‌తో మాట్లాడేందుకు 1980ల్లో తాను బెంగాలీ నేర్చుకున్న‌ట్టు లివింగ్‌స్టోన్ చెబుతున్నార‌ని ఈ సూప‌ర్‌హీరో ఈస్ట్‌లండ‌న్‌లోని లైమ్‌హౌస్‌కు చెందిన రిటైర్డ్ డాక్ట‌ర్ అని వీడియోకు క్యాప్ష‌న్ ఇచ్చారు.

ఈ డాక్ట‌ర్ స్వ‌చ్ఛ‌మైన‌, నిస్వార్ధ వ్య‌క్త‌ని కొనియాడిన హ‌లీమా ఆమెకు అవార్డ్ అందించాల‌ని ఆ ప్రాంతం ఎంపీ అప్ఫానా బేగంను కోరారు. బెంగాలీ వంటి సంక్లిష్టమైన భాష‌ను ఆమె నేర్చుకోవ‌డంతో ఎన్నో ప్రాణాల‌ను కాపాడార‌ని హ‌లీమా రాసుకొచ్చారు. స‌మాజానికి ఆమె నిస్వార్ధంగా ద‌యార్ధ్ర హృద‌యంతో సేవ‌లందిచార‌ని కొనియాడారు. ఈ వీడియోను ఆన్‌లైన్‌లో షేర్ చేసిన‌ప్ప‌టినుంచి 6 ల‌క్ష‌ల మందికి పైగా వీక్షించారు.

Read More :

Oscar Awards | ఆస్కార్‌ ఎప్పుడు మొదలైంది.. తొలి ఆస్కార్‌ విన్నర్ ఎవరు?

Parental Tips | ఆన్‌లైన్‌ క్లాసులు అని మీ పిల్లలు సెల్‌ఫోన్‌లో ఏం చేస్తున్నారు? తప్పుదోవ పట్టకుండా ఈ జాగ్రత్తలు తీసుకోండి