Dating | డేటింగ్‌ చేయడం నేరమా?.. టీనేజర్ల అరెస్టుపై సర్కారును ప్రశ్నించిన కోర్టు

మైనర్‌ బాలికలతో డేటింగ్‌ చేసే మైనర్‌ బాలురను అరెస్ట్‌ చేయడం న్యాయమేనా? మైనర్‌ బాలికల తల్లిదండ్రులు ఆ బాలురపై ఫిర్యాదు చేయాలా? ఇటువంటి కేసుల్లో అరెస్టులను నివారించగలమా? అని ఉత్తరాఖండ్‌ హైకోర్టు ఆ రాష్ట్ర ప్రభుత్వాన్ని ప్రశ్నించింది.

Dating | న్యూఢిల్లీ: మైనర్‌ బాలికలతో డేటింగ్‌ చేసే మైనర్‌ బాలురను అరెస్ట్‌ చేయడం న్యాయమేనా? మైనర్‌ బాలికల తల్లిదండ్రులు ఆ బాలురపై ఫిర్యాదు చేయాలా? ఇటువంటి కేసుల్లో అరెస్టులను నివారించగలమా? అని ఉత్తరాఖండ్‌ హైకోర్టు ఆ రాష్ట్ర ప్రభుత్వాన్ని ప్రశ్నించింది. డేటింగ్‌ చేసే బాలురను అరెస్టు చేయడం కన్నా, వారికి సలహా ఇవ్వడానికి పిలవవచ్చునని వ్యాఖ్యానించింది. ఓ ప్రజా ప్రయోజన వ్యాజ్యంపై విచారణ సందర్భంగా హైకోర్టు ఈ విధంగా స్పందించింది. ఇటువంటి కేసుల్లో కేవలం బాలురను మాత్రమే దోషులుగా పరిగణిస్తూ, శిక్షిస్తున్నారని పిటిషనర్‌ ఆవేదన వ్యక్తం చేశారు.

మరిన్ని వార్తలను చదవండి..

పోక్సో కేసులో యెడియూరప్పకు కోర్టు సమన్లు
బెంగళూరు: కర్ణాటక మాజీ ముఖ్యమంత్రి, బీజేపీ నేత బీఎస్‌ యెడియూరప్పకు బెంగళూరు కోర్టు సమన్లు జారీ చేసింది. ఆయనపై పోక్సో చట్టం కింద నమోదైన కేసులో ఈ నెల 15న జరిగే విచారణకు హాజరుకావాలని ఆయనను ఆదేశించింది. బాధిత మైనర్‌ బాలిక (17), ఆమె తల్లి మౌనంగా ఉండటం కోసం వారికి యెడియూరప్ప, మరో ముగ్గురు నిందితులు సొమ్ము చెల్లించారని సీఐడీ ఆరోపించింది.

సవాలు విసిరి.. రాజీనామా చేసి
జైపూర్‌: రాజస్థాన్‌ బీజేపీ మంత్రి కిరోడిలాల్‌ మీనా తన పదవికి రాజీనామా చేశారు. ఇటీవల జరిగిన సార్వత్రిక ఎన్నికల సందర్భంగా తాను బాధ్యత వహించే ఏడు నియోజకవర్గాల్లో ఏ ఒక్కదాంట్లో బీజేపీ ఓడినా మంత్రి పదవికి రాజీనామా చేస్తానని సవాలు విసిరారు. ఫలితాలు ఆయనకు వ్యతిరేకంగా వచ్చాయి. ఆయన సొంత నియోజకవర్గం దౌసా సహా నాలుగు స్థానాల్లో బీజేపీ ఓటమి పాలైంది. దీంతో తాను విసిరిన సవాల్‌ మేరకు పదవికి రాజీనామా చేశారు.