Union Cabinet | రేపు ఉదయం కేంద్ర క్యాబినెట్‌ సమావేశం.. బడ్జెట్ సెషన్‌పై చర్చించేందుకేనా..?

Union Cabinet | ప్రధాని నరేంద్రమోదీ (PM Modi) నేతృత్వంలోని కేంద్ర క్యాబినెట్‌ (Union Cabinet) రేపు (గురువారం) సమావేశం కానుంది. గురువారం ఉదయం 10.30 గంటలకు కేంద్ర క్యాబినెట్‌ సమావేశం కానున్నట్లు జాతీయ మీడియాలో కథనాలు వెలువడుతున్నాయి.

Union Cabinet : ప్రధాని నరేంద్రమోదీ (PM Modi) నేతృత్వంలోని కేంద్ర క్యాబినెట్‌ (Union Cabinet) రేపు (గురువారం) సమావేశం కానుంది. గురువారం ఉదయం 10.30 గంటలకు కేంద్ర క్యాబినెట్‌ సమావేశం కానున్నట్లు జాతీయ మీడియాలో కథనాలు వెలువడుతున్నాయి. అయితే బడ్జెట్‌ సమావేశాలకు కొద్ది రోజుల ముందు కేంద్ర క్యాబినెట్‌ సమావేశం కానుండటం ప్రాధాన్యం సంతరించుకుంది.

కేంద్ర బడ్జెట్ సమావేశాలు ఈ నెల 22న (సోమవారం) ప్రారంభం కానున్నాయి. ఈ నెల 23న (మంగళవారం) పార్లమెంటులో 2024-25 ఆర్థిక సంవత్సరానికి సంబంధించిన కేంద్ర బడ్జెట్‌ను ప్రవేశపెట్టనున్నారు. ఆగస్టు 12న ఈ బడ్జెట్ సమావేశాలు ముగియనున్నాయి. ఈ నేపథ్యంలో క్యాబినెట్‌ సమావేశంలో బడ్జెట్‌ సెషన్‌ నిర్వహణకు సంబంధించి చర్చ జరుగుతుందని మీడియా కథనాలు వెల్లడవుతున్నాయి.

ఇదిలావుంటే ప్రధాని నరేంద్రమోదీ రేపు సాయంత్రం ఢిల్లీలోని పార్టీ ప్రధాన కార్యాలయానికి వెళ్తున్నారు. అక్కడ సాయంత్రం 6 గంటలకు పార్టీ శ్రేణులతో ప్రధాని సమావేశం కానున్నారు. బడ్జెట్‌ సమావేశాల సందర్భంగా పార్లమెంట్‌లో పార్టీ అనుసరించబోయే వ్యూహంపై ఈ సమావేశంలో చర్చించే అవకాశం ఉంది. ఉత్తరప్రదేశ్‌ అసెంబ్లీ ఉప ఎన్నికలు.. మహరాష్ట్ర, హర్యానా రాష్ట్రాల్లో అసెంబ్లీ ఎన్నికలపై కూడా ఈ సమావేశంలో పార్టీ శ్రేణులకు ప్రధాని దిశానిర్దేశం చేయనున్నారు.