Encounter : శ్రీనగర్‌లో ఎన్‌కౌంటర్‌ : ఇద్దరు ఉగ్రవాదులు హతం

Encounter : జమ్ముకశ్మీర్‌లో పోలీసులు ఇద్దరు ఉగ్రవాదులను హతమార్చారు. శ్రీనగర్‌లో సోమవారం సాయంత్రం జరిగిన ఎన్‌కౌంటర్‌లో ఇద్దరు ఉగ్రవాదులు హతమైనట్లు కశ్మీర్ ఐజీ విజయ్ కుమార్ తెలిపారు. చనిపోయిన ఇద్దరు...

August 23, 2021 / 07:51 PM IST

Encounter : శ్రీనగర్‌లో ఎన్‌కౌంటర్‌ : ఇద్దరు ఉగ్రవాదులు హతం

శ్రీనగర్‌ : జమ్ముకశ్మీర్‌లో పోలీసులు ఇద్దరు ఉగ్రవాదులను హతమార్చారు. శ్రీనగర్‌లో సోమవారం సాయంత్రం జరిగిన ఎన్‌కౌంటర్‌లో (Encounter) ఇద్దరు ఉగ్రవాదులు హతమైనట్లు కశ్మీర్ ఐజీ విజయ్ కుమార్ తెలిపారు. చనిపోయిన ఇద్దరు ఉగ్రవాదులు కమాండర్ స్థాయి వారే అని పోలీసులు తెలిపారు. ఇటీవల పోలీసులు విడుదల చేసిన మోస్ట్‌ వాంటెడ్‌ టెర్రరిస్ట్స్‌ జాబితాలో చనిపోయిన ఈ ఇద్దరి పేర్లు కూడా ఉన్నట్లు సమాచారం. ఉగ్రవాదుల గురించి సెర్చింగ్‌ మంగళవారం కూడా కొనసాగించే అవకాశాలు ఉన్నాయి.

కశ్మీర్ జోన్ పోలీసులు అందించిన సమాచారం ప్రకారం, శ్రీనగర్‌లోని అలుచి బాగ్ ప్రాంతంలో సోమవారం సాయంత్రం జరిగిన ఎన్‌కౌంటర్‌లో ఇద్దరు ఉగ్రవాదులను జమ్ముకశ్మీర్ పోలీసులు హతమార్చారు. అలుచి బాగ్‌ ప్రాంతంలోని ఓ ఇంట్లో ఉగ్రవాదులు దాగి ఉన్నట్టు అందిన పకడ్బందీ సమాచారం మేరకు పోలీసులు సెర్చ్‌ ఆపరేషన్‌ ప్రారంభించారు. పోలీసులకు లొంగిపోకుండా ఉగ్రవాదులు కాల్పులు జరుపుతూ పారిపోయేందుకు ప్రయత్నించారు. రెండు వైపుల నుంచి కాల్పులు కొనసాగాయి. ఈ కాల్పుల్లో ఇద్దరు ఉగ్రవాదులు మరణించారు.

మరణించిన ఉగ్రవాదులను ఇంకా నిర్ధారించలేదు. వారు ఏ తీవ్రవాద గ్రూపునకు చెందినవారో కూడా తెలియరాలేదు. అయితే, వీరిద్దరూ కమాండర్‌ స్థాయి వారేనని పోలీసులు చెప్తున్నారు. ఇలాఉండగా, హతమైన ఈ ఇద్దరు ఉగ్రవాద కమాండర్ల పేర్లు ఇటీవల జమ్ముకశ్మీర్ పోలీసులు విడుదల చేసిన మోస్ట్ వాంటెడ్ జాబితాలో ఉన్నాయి.