Anjaneri Fort | ఫలించిన రెస్క్యూ ఆపరేషన్‌ : అంజనేరి కోటలో చిక్కుకున్న 200 మంది టూరిస్ట్‌లు సేఫ్‌

Anjaneri Fort : మహారాష్ట్ర  నాసిక్‌ సమీపంలోని అంజనేరి కోటలో భారీ వర్షాలతో చిక్కుకుపోయిన దాదాపు 200 మంది టూరిస్టులను సహాయ సిబ్బంది రక్షించారు.

Anjaneri Fort : మహారాష్ట్ర  నాసిక్‌ సమీపంలోని అంజనేరి కోటలో భారీ వర్షాలతో చిక్కుకుపోయిన దాదాపు 200 మంది టూరిస్టులను సహాయ సిబ్బంది రక్షించారు. ఆరు గంటల పాటు సుదీర్ఘంగా సాగిన రెస్క్యూ ఆపరేషన్‌లో పర్యాటకులు క్షేమంగా బయటపడటంతో అందరూ ఊపిరిపీల్చుకున్నారు. మరోవైపు మహారాష్ట్ర రాజధాని, దేశ వాణిజ్య రాజధాని ముంబైని మళ్లీ భారీ వర్షాలు ముంచెత్తాయి. శనివారం నుంచి కురుస్తున్న వర్షాలతో నగరం తడిసిముద్దయింది.

#WATCH | Nashik, Maharashtra: Around 200 tourists stranded at the Anjaneri Fort after heavy rains were rescued after a six-hour-long rescue operation yesterday pic.twitter.com/9Q1gY0WKjB

— ANI (@ANI) July 15, 2024

పలు రహదారులు జలమయమవడంతో వాహనాల రాకపోకలకు తీవ్ర అంతరాయం ఏర్పడింది. రెండు రోజుల పాటు ముంబై, థానేల్లో భారీ వర్షాలు కురుస్తాయని ఐఎండీ ఆరెంజ్ అలర్ట్ జారీ చేసింది. ఇక రాయ్‌గఢ్‌ జిల్లాలో సోమవారం మధ్యాహ్నం నుంచి బుధవారం వరకూ రెడ్‌ అలర్ట్‌ జారీ చేసింది. ముంబైకి నీటిని సరఫరా చేసే ఏడు చెరువుల్లో నీటి నిల్వలు ఒక్కరోజులోనే అనూహ్యంగా పెరిగాయని అధికారులు తెలిపారు.

మరాఠ్వాడాలో మంగళవారం అతిభారీ వర్షాలు కురుస్తాయని ఐఎండీ హెచ్చరించింది. ఆ ప్రాంతానికి ఐఎండీ ఆరెంజ్ అలర్ట్ జారీ చేసింది.ఐఎండీ హెచ్చరికలతో అప్రమత్తమైన అధికారులు పలు చర్యలు చేపట్టారు. లోతట్టు ప్రాంతాల ప్రజలను సురక్షిత ప్రాంతాలకు తరలించడంతో పాటు సహాయ పునరావాస సిబ్బందిని అప్రమత్తం చేయాలని ఆయా జిల్లా అధికారులకు సూచించారు.

Read More :

Chalo Secretariat | నిరుద్యోగుల మార్చ్‌.. పోలీసుల గుప్పిట్లో సచివాలయం