Ayodhya Ram Temple: రాముడు కావాల‌నుకున్న వాళ్లే వ‌స్తారు.. అయోధ్య ఆహ్వానంపై వివాదం

Ayodhya Ram Temple: రామ‌జ‌న్మ‌భూమి ట్ర‌స్టు ఇప్ప‌టికే అంద‌రికీ ఆహ్వానాల‌ను పంపింది. అయితే త‌మ‌కు ఆహ్వానం అందింద‌ని, కానీ ఆ కార్య‌క్ర‌మానికి త‌మ పార్టీ వెళ్ల‌డం లేద‌ని సీపీఎం నేత బృందా కార‌త్ తెలిపారు. రాముడు కావాల‌నుకున్న వాళ్లే ఆల‌య ప్రారంభోత్స‌వానికి వ‌స్తార‌ని కేంద్ర‌మంత్రి మీనాక్షి చేసిన కామెంట్ వివాదం అవుతోంది.

న్యూఢిల్లీ: అయోధ్యలో ఆల‌యాన్ని(Ayodhya Ram Temple) జ‌న‌వ‌రి 22వ తేదీన ఓపెన్ చేయ‌నున్నారు. ప్ర‌ధాని మోదీ నేతృత్వంలో ఈ కార్య‌క్ర‌మం జ‌ర‌గ‌నున్న‌ది. అయితే రామ‌జ‌న్మ‌భూమి ట్ర‌స్టు ఇప్ప‌టికే అంద‌రికీ ఆహ్వానాల‌ను పంపింది. అయితే త‌మ‌కు ఆహ్వానం అందింద‌ని, కానీ ఆ కార్య‌క్ర‌మానికి త‌మ పార్టీ వెళ్ల‌డం లేద‌ని సీపీఎం నేత బృందా కార‌త్ తెలిపారు. రాజ‌కీయ విశ్వాసాల‌ను గౌర‌విస్తాన‌ని, కానీ ఆ కార్య‌క్ర‌మాన్ని రాజ‌కీయం చేయ‌డం స‌రికాదు అని ఆమె అన్నారు. రాజ‌కీయ ఎజెండాను ముందుకు సాగించేందుకు మ‌తాన్ని వాడుకుంటున్న‌ట్లు ఆమె ఆరోపించారు. సీతారం ఏచూరి కూడా ప్రాణ ప్ర‌తిష్ట కార్య‌క్ర‌మానికి వెళ్ల‌డం లేదు.

Our policy is to respect religious beliefs & right of each individual to pursue their belief. Religion is a personal choice not to be converted into an instrument for political gain. Comrade Sitaram Yechury will not attend the ceremony despite receiving an invitation to do so. pic.twitter.com/EuSdS4UGid

— CPI (M) (@cpimspeak) December 26, 2023

సీపీఎం నేత బృందా కార‌త్ చేసిన వ్యాఖ్య‌ల‌పై కేంద్ర మంత్రి మీనాక్షి లేఖి స్పందించారు. ఆహ్వానాల‌ను అంద‌రికీ పంపామ‌ని, కానీ రాముడు కావాల‌నుకున్న వాళ్లు మాత్ర‌మే వ‌స్తార‌ని ఆమె అన్నారు. రామ చ‌రిత్ర మాన‌స్‌లో ఉన్న హ‌రి ఇచ్ఛ గురించి మంత్రి ప్ర‌స్తావిస్తూ రాముడు కావాల‌నుకున్న‌వాళ్లే ఆల‌య ప్రారంభోత్స‌వానికి వ‌స్తార‌న్నారు. మంత్రి చేసిన వ్యాఖ్య‌ల‌పై వివాదం చెల‌రేగుతోంది. సీపీఎంతో పాటు సీపీఐ కూడా అయోధ్య ఈవెంట్‌కు డుమ్మా కొట్ట‌నున్న‌ది. కాంగ్రెస్ నేత క‌పిల్ సిబల్ కూడా ప్రారంభోత్స‌వ ఈవెంట్‌కు హాజ‌రుకావ‌డం లేదు.

#WATCH | Delhi: Union Minister Meenakashi Lekhi says, “…The invitations have been sent to all. Those called by lord Ram will only reach (Ayodhya, for Pran Pratishtha’ ceremony of Ram Temple) https://t.co/1YawlSfT3c pic.twitter.com/5fTgTezDgi

— ANI (@ANI) December 26, 2023