FASTag | ఫాస్టాగ్‌కు కొత్త రూల్స్‌.. పాటించకపోతే జేబులకు చిల్లు

ఫాస్టాగ్‌ లావాదేవీలకు సంబంధించి నేషనల్‌ పేమెంట్స్‌ కార్పొరేషన్‌ ఆఫ్‌ ఇండియా(ఎన్‌పీసీఐ) కొత్త నిబంధనలు తీసుకువస్తున్నది. టోల్‌ గేట్ల వద్ద లావాదేవీలు సులువుగా జరిగేలా, మోసాలు నివారించేలా తీసుకువచ్చిన ఈ నిబంధనలు ఫిబ్రవరి 17 నుంచి అన్ని టోల్‌ ప్లాజాల వద్ద అమలులోకి రానున్నాయి.

• ఫిబ్రవరి 17 నుంచి అమల్లోకి..

FASTag | న్యూఢిల్లీ, ఫిబ్రవరి 13: ఫాస్టాగ్‌ లావాదేవీలకు సంబంధించి నేషనల్‌ పేమెంట్స్‌ కార్పొరేషన్‌ ఆఫ్‌ ఇండియా(ఎన్‌పీసీఐ) కొత్త నిబంధనలు తీసుకువస్తున్నది. టోల్‌ గేట్ల వద్ద లావాదేవీలు సులువుగా జరిగేలా, మోసాలు నివారించేలా తీసుకువచ్చిన ఈ నిబంధనలు ఫిబ్రవరి 17 నుంచి అన్ని టోల్‌ ప్లాజాల వద్ద అమలులోకి రానున్నాయి.

ఫాస్టాగ్‌ కొత్త నిబంధనలు

1. వాహనం టోల్‌ బూత్‌కు చేరడానికి ముందు 60 నిమిషాల కంటే ఎక్కువ సేపు ఫాస్టాగ్‌ బ్లాక్‌లిస్ట్‌ అయి ఉన్నా, హాట్‌లిస్ట్‌లో ఉన్నా, బ్యాలెన్స్‌ తక్కువగా ఉన్నా టోల్‌ బూత్‌ వద్ద ఫాస్టాగ్‌ లావాదేవీ విఫలమవుతుంది.

2. టోల్‌ బూత్‌ వద్ద స్కాన్‌ చేసిన 10 నిమిషాల వరకు ఫాస్టాగ్‌ బ్లాక్‌లిస్ట్‌లో ఉన్నా, ఇన్‌యాక్టివ్‌గా ఉన్నా లావాదేవీ తిరస్కరణకు గురవుతుంది. ఈ రెండు సందర్భాల్లో 176 ఎర్రర్‌ కోడ్‌తో లావాదేవీ విఫలమవుతుంది. వాహనానికి జరిమానా కింద రెట్టింపు టోల్‌ చార్జ్‌ పడుతుంది.

ఫాస్టాగ్‌ ఎందుకు బ్లాక్‌లిస్ట్‌ అవుతుంది?

• సరిపడా బ్యాలెన్స్‌ లేనప్పుడు
• కేవైసీ ధ్రువీకరణ పెండింగ్‌లో ఉంటే
• వాహనం రిజిస్ట్రేషన్‌ వివరాల్లో తేడాలు ఉన్నప్పుడు

ఫాస్టాగ్‌ వినియోగదారులు ఏం చేయాలి?

• జరిమానాలు పడకుండా ఉండేందుకు, ఫాస్టాగ్‌ లావాదేవీలు సులువుగా పూర్తయ్యేందుకు వినియోగదారులు..
• టోల్‌ ప్లాజా వద్దకు చేరడానికి ముందుగానే ఫాస్టాగ్‌లో సరిపడా బ్యాలెన్స్‌ ఉండేలా చూసుకోవాలి.
• ఫాస్టాగ్‌ బ్లాక్‌లిస్ట్‌ కాకుండా ఎప్పటికప్పు డు కేవైసీ వివరాలు అప్‌డేట్‌ చేసుకోవాలి.
• ప్రయాణాలు ప్రారంభించడానికి ముం దే ఫాస్టాగ్‌ స్టేటస్‌ను పరిశీలించుకోవాలి.