Kalpana Soren : నరేంద్రమోదీ సర్కారు కేంద్ర దర్యాప్తు సంస్థలను వినియోగిస్తున్న తీరుపై జార్ఖండ్ మాజీ ముఖ్యమంత్రి హేమంత్ సోరెన్ భార్య కల్పనా సోరెన్ మండిపడ్డారు. అప్పుడు హేమంత్ సోరెన్ను అరెస్ట్ చేసి జైల్లో పెట్టిన విషయాన్ని, ఇప్పుడు అరవింద్ కేజ్రీవాల్ను అరెస్ట్ చేసి జ్యుడీషియల్ రిమాండ్కు తరలించిన విషయాన్ని ప్రస్తావిస్తూ.. ‘రెండు నెలల క్రితం జార్ఖండ్లో ఏదైతే జరిగిందో.. ప్రస్తుతం ఢిల్లీలో అదే జరుగుతోందని విమర్శించారు.
#WATCH | Kalpana Soren, wife of JMM leader and former Jharkhand CM Hemant Soren says “The incident that took place in Jharkhand 2 months back, the same is now going on in Delhi. CM Arvind Kejriwal has also been sent to jail just like my husband Hemant Soren… I met Sunita… pic.twitter.com/h5Q1CujBYf
— ANI (@ANI) March 30, 2024
అప్పుడు తన భర్తను జైలుకు పంపినట్టే ఇప్పుడు కేజ్రీవాల్ను జైలుకు పంపారని కల్పనా సోరెన్ అన్నారు. ఇవాళ మధ్యాహ్నం ఢిల్లీలో కేజ్రీవాల్ భార్య సునీతా కేజ్రీవాల్ను కలిసి బయటికి వచ్చిన అనంతరం కల్పనా సోరెన్ మీడియాతో మాట్లాడారు. కేంద్రం తీరుకు వ్యతిరేకంగా పోరాటం చేయాలని తాము నిర్ణయించుకున్నామని చెప్పారు.
#WATCH | Kalpana Soren, the wife of Jharkhand Mukti Morcha (JMM) leader and former CM Hemant Soren meets Sunita Kejriwal, wife of Delhi CM Arvind Kejriwal. pic.twitter.com/SVLAkLCpbW
— ANI (@ANI) March 30, 2024
ఇప్పుడు తాను కాంగ్రెస్ పార్లమెంటరీ పార్టీ చైర్మన్ సోనియాగాంధీని కలువబోతున్నానని, జార్ఖండ్లో ప్రస్తుత పరిస్థితిపై ఆమెతో చర్చిస్తానని కల్పనా సోరెన్ తెలిపారు. అదేవిధంగా రేపు ఢిల్లీలోని రామ్లీలా మైదాన్లో ఇండియా కూటమి నిర్వహిస్తున్న బహిరంగ సభలో తాను కూడా పాల్గొంటానని చెప్పారు.