ప్రాణాలు హరిస్తున్న వరకట్న భూతం

సమాజంలో ఎన్నో సంస్కరణలు వచ్చినా, మహిళల సాధికారత పెరుగుతున్నా.. వ్యాపారంగా మారిపోయిన వివాహం, సామాజిక అత్యాశ మహిళలను వరకట్న దురాచారానికి సమిధలుగా మారుస్తున్నాయి.

న్యూఢిల్లీ : సమాజంలో ఎన్నో సంస్కరణలు వచ్చినా, మహిళల సాధికారత పెరుగుతున్నా.. వ్యాపారంగా మారిపోయిన వివాహం, సామాజిక అత్యాశ మహిళలను వరకట్న దురాచారానికి సమిధలుగా మారుస్తున్నాయి. విద్యావంతులు, సంపాదనపరులైన మహిళలు కూడా వరకట్న వేధింపులకు తాళలేక బలవన్మరణాలకు పాల్పడుతున్నారు.

వరకట్న నిషేధ చట్టం సరిగ్గా అమలు కాకపోవడం, వేధింపులపై కేసులు సరిగా నమోదు కాకపోవడం, నమోదైన వాటిలో శిక్షలు పడిన కేసుల సంఖ్య కేవలం 4 శాతం కావడం పరిస్థితి తీవ్రతకు అద్దం పడుతున్నది.

• 2017-2022 మధ్య కాలంలో మొత్తం వరకట్న మరణాల్లో 80 శాతం యూపీ, బీహార్‌, జార్ఖండ్‌, మధ్యప్రదేశ్‌, ఒడిశా, పశ్చిమ బెంగాల్‌, రాజస్థాన్‌, హర్యానాలలో నమోదయ్యాయి.
• 2020తో పోలిస్తే 2021లో వరకట్న కేసుల్లో 25 శాతం పెరుగుదల నమోదైంది.