వైర‌ల్ పోస్ట్ : ఆర్గానిక్ కూర‌గాయ‌ల ఫొటోలు షేర్ చేసిన నాగాలాండ్ మంత్రి

ట్విట్ట‌ర్‌లో చురుకుగా ఉండే రాజ‌కీయ నేత‌ల్లో నాగాలాండ్ మంత్రి టెంజెన్ ఇనా అలంగ్ ముందువ‌ర‌స‌లో ఉంటారు. మంచి సెన్సాఫ్ హ్యూమర్‌తో ఆయ‌న నెటిజ‌న్ల‌కు ఆరోగ్య‌క‌ర‌మైన హాస్యం పంచుతుంటారు.

న్యూఢిల్లీ : ట్విట్ట‌ర్‌లో చురుకుగా ఉండే రాజ‌కీయ నేత‌ల్లో నాగాలాండ్ మంత్రి టెంజెన్ ఇనా అలంగ్ ముందువ‌ర‌స‌లో ఉంటారు. మంచి సెన్సాఫ్ హ్యూమర్‌తో ఆయ‌న నెటిజ‌న్ల‌కు ఆరోగ్య‌క‌ర‌మైన హాస్యం పంచుతుంటారు. ఆయ‌న నాగాలాండ్‌లో ల‌భించే తాజా ఆర్గానిక్ కూర‌గాయ‌ల ఫోటోల‌ను ట్విట్ట‌ర్‌లో షేర్ చేశారు. ఆకు కూర‌ల నుంచి పొట్ల‌కాయ‌లు, పుట్ట‌గొడుగులు వంకాయ‌ల వ‌ర‌కూ చ‌క్క‌గా ప్యాక్ చేసిన‌ కూర‌గాయ‌ల ఫొటోల‌ను నెటిజ‌న్ల‌తో పంచుకున్నారు.

All these organic healthy veggies and still we choose French fries. 🍟

See how those fresh veggies are inviting you to Nagaland.

🥬🥦🌶🥕 🍅🍆🥔

Isn't it alluring enough?

P.S. Someone asking me whether they will get veg or not in Nagaland 🫣 pic.twitter.com/Jw0twHi4SL

— Temjen Imna Along (@AlongImna) November 13, 2022

నాగాలాండ్‌లో శాకాహారం ల‌భిస్తుందా అని త‌న‌ను ఒక‌రు అడిగార‌ని ఈ పోస్ట్‌కు ఆయ‌న క్యాప్ష‌న్ ఇచ్చారు. ఈ కూర‌గాయాలు నేరుగా పొలం నుంచి వ‌చ్చాయ‌ని అందుకే ప్లాస్టిక్ బ్యాగ్‌లో కాకుండా అర‌టి ఆకుల్లో చుట్టిఉన్నాయ‌ని అలంగ్ చెప్పుకొచ్చారు. ఈ పోస్ట్‌కు నెటిజ‌న్ల నుంచి పెద్ద ఎత్తున స్పంద‌న ల‌భించింది. తాజా కూర‌గాయ‌లు నోరూరించేలా ఉన్నాయ‌ని ఓ యూజ‌ర్ రాసుకురాగా, తాజా వెజిట‌బుల్స్‌ను చ‌క్క‌గా అర‌టి ఆకుల్లో చుట్టార‌ని మ‌రో నెటిజ‌న్ కామెంట్ చేశారు.