Actress Julie | నా గర్భం పోవడానికి విజయ్‌ అన్నే కారణం.. తమిళనాడు సీఎంపై నటి తీవ్ర ఆరోపణలు

Actress Julie | తమిళ టెలివిజన్‌కు చెందిన ప్రముఖ నటి, బిగ్ బాస్ ఫేమ్ జూలీ (Julie).. తమిళనాడు ముఖ్యమంత్రి (Tamil Nadu CM), ప్రముఖ నటుడు విజయ్‌ (Vijay) పై తీవ్ర ఆరోపణలు చేశారు. తన గర్భస్రావానికి సీఎం విజయ్ పరోక్షంగా కారణమయ్యారని ఆమె వ్యాఖ్యానించారు. జల్లికట్టు ఉద్యమం ద్వారా వెలుగులోకి వచ్చిన జూలీ, ఇటీవల ప్రెస్ మీట్‌లో మాట్లాడుతూ తీవ్ర భావోద్వేగానికి లోనయ్యారు.

Actress Julie : తమిళ టెలివిజన్‌కు చెందిన ప్రముఖ నటి, బిగ్ బాస్ ఫేమ్ జూలీ (Julie).. తమిళనాడు ముఖ్యమంత్రి (Tamil Nadu CM), ప్రముఖ నటుడు విజయ్‌ (Vijay) పై తీవ్ర ఆరోపణలు చేశారు. తన గర్భస్రావానికి సీఎం విజయ్ పరోక్షంగా కారణమయ్యారని ఆమె వ్యాఖ్యానించారు. జల్లికట్టు ఉద్యమం ద్వారా వెలుగులోకి వచ్చిన జూలీ, ఇటీవల ప్రెస్ మీట్‌లో మాట్లాడుతూ తీవ్ర భావోద్వేగానికి లోనయ్యారు. ముఖ్యమంత్రి విజయ్ నేతృత్వంలోని టీవీకే పార్టీ (TVK Party) కార్యకర్తలు, ఆయన అభిమానులు సోషల్ మీడియా (Social Media) లో తనపై నిరంతరాయంగా చేసిన ట్రోలింగ్, వేధింపుల వల్లే తాను తీవ్ర మానసిక క్షోభకు గురయ్యానని, తద్వారా తన కడుపులోని బిడ్డను కోల్పోవాల్సి వచ్చిందని ఆవేదన వ్యక్తం చేశారు.

‘నా బిడ్డను కోల్పోవడానికి విజయ్ అన్నే బాధ్యుడు. ఆయన నేరుగా ఈ పని చేయకపోయినా తన అభిమానులను ట్రోలింగ్‌ ఆపమని ఒక్క మాట చెప్పలేదు. ఆయన చెప్పి ఉంటే నేను బిడ్డను కోల్పోయేదాన్ని కాదు’ అని జూలి అన్నారు. గత ఎన్నికల సమయంలో విజయ్ రాజకీయ విధానాలపై విమర్శలు చేయడం, మెరీనా బీచ్ వద్ద నిరసన తెలపడం వల్లే తనను లక్ష్యంగా చేసుకున్నారని జూలీ పేర్కొన్నారు. సోషల్ మీడియాలో తన వ్యక్తిత్వాన్ని హననం చేస్తూ దారుణమైన కామెంట్లు పెట్టారని, చివరకు తనపై రూ.15 లక్షల విలువైన నకిలీ కిడ్నీ స్కామ్ ఆరోపణలు కూడా సృష్టించారని ఆమె ఆవేదన వ్యక్తంచేశారు.

ప్రజలు విజయ్ అన్న ఇన్‌స్టాగ్రామ్ ద్వారా సీఎం అయ్యారని అంటున్నారని చెప్పారు. జూలీ చేసిన ఈ ఆరోపణలను సీఎం విజయ్ మద్దతుదారులు, టీవీకే నేతలు, కార్యకర్తలు తీవ్రంగా ఖండిస్తున్నారు. కేవలం పబ్లిసిటీ కోసమే ఆమె ఇలాంటి అవాస్తవాలు మాట్లాడుతోందని మండిపడుతున్నారు. కాగా, ఆన్‌లైన్ వేధింపులపై జూలీ ఇప్పటికే పోలీసులకు ఫిర్యాదు చేశారు. అయితే ఈ వ్యవహారంపై సీఎం విజయ్ లేదా టీవీకే పార్టీ అధికారికంగా ఇప్పటివరకు స్పందించలేదు.