Visit:
Supreme Court : భారత సుప్రీంకోర్టులో తృణమూల్ కాంగ్రెస్ పార్టీ (టీఎంసీ)కి ఎదురుదెబ్బ తగిలింది. ఆ పార్టీ బ్యాంక్ అకౌంట్లను నిలిపివేస్తూ ఈడీ తీసుకున్న నిర్ణయంపై నిషేధం ఎత్తివేసేందుకు సుప్రీంకోర్టు నిరాకరించింది. ఈ విషయంలో కలకత్తా హైకోర్టు ఆదేశాలను సమర్ధించింది. టీఎంసీ పార్టీపై మనీ లాండరింగ్ కేసు నమోదైంది. ఈ కేసును ఎన్ఫోర్స్మెంట్ డైరెక్టరేట్ (ఈడీ) విచారణ జరుపుతోంది. విచారణలో భాగంగా టీఎంసీ పార్టీకి చెందిన బ్యాంక్ అకౌంట్లను ఈడీ నిషేధించింది. పార్టీకి చెందిన మూడు హెచ్డీఎఫ్సీ బ్యాంక్ అకౌంట్లను ఈడీ జూలై 7న నిలిపివేస్తూ నిర్ణయం తీసుకుంది. ప్రస్తుతం టీఎంసీకి సంబంధించిన బ్యాంక్ అకౌంట్లలో రూ.440 కోట్ల డబ్బు ఉంది.
దీన్ని సవాల్ చేస్తూ ఈడీ.. కలకత్తా హైకోర్టును ఆశ్రయించింది. తమ బ్యాంక్ అకౌంట్లు తిరిగి నిర్వహించుకునేలా ఆదేశాలివ్వాలని కోరింది. దీనిపై విచారణ జరిపిన కోర్టు ఈడీ నిర్ణయాన్ని సమర్ధించింది. ఇదే సమయంలో పార్టీకి సంబంధించిన రోజువారీ ఖర్చులకు కొన్ని నిధులు వాడుకునేందుకు మాత్రం అనుమతించింది. ఇందుకోసం ప్రత్యేక అధికారిని కూడా నియమించింది. దీనిపై జూలై 20న ఆదేశాలిచ్చింది. కలకత్తా హైకోర్టు కూడా ఈడీ నిర్ణయాన్ని సమర్ధించడంతో ఆ పార్టీ సుప్రీంకోర్టులో ఈ నిర్ణయాన్ని సవాల్ చేస్తూ రిట్ పిటిషన్ దాఖలు చేసింది. దీనిపై జస్టిస్ ఎంఎం సుందరేశ్, జస్టిస్ పీబీ వరాలే ఆధ్వర్యంలోని సుప్రీం బెంచ్ విచారణ జరిపింది. కలకత్తా హైకోర్టు ఆదేశాల్ని సమర్ధిస్తూ మంగళవారం ఉత్తర్వులు జారీ చేసింది. టీఎంసీ బ్యాంక్ అకౌంట్లపై ఈడీ విధించిన నిషేధాన్ని ఎత్తివేసేందుకు నిరాకరించింది.
ఈ విషయంలో కోల్కతా హైకోర్టు సమతూకంగా, బాధ్యతగా వ్యవహరించిందని అభిప్రాయపడింది. హైకోర్టు వ్యవహరించిన తీరుపై అసంతృప్తి వ్యక్తం చేసింది. కేర్వెల్ ఏవియేషన్ ఇండియా సంస్థ సహా పలు సంస్థలకు ఏప్రిల్ 2023 నుంచి జూన్ 2026 మధ్య నిధుల మళ్లింపు జరిగినట్లు ఈడీ గుర్తించింది. ఒక విమానం, ఒక హెలికాప్టర్ కొనుగోలుకు సంబంధించిన వ్యవహారంలో అవకతవకలు జరిగినట్లు ఈడీ గుర్తించింది. దీనిలో భాగంగా గత నెలలో ఆరు బ్యాంక్ అకౌంట్లను ఈడీ ఫ్రీజ్ చేసింది. వాటిలో మూడు టీఎంసీకి సంబంధించినవి ఉన్నాయి.
