లఖింపూర్‌ కేసులో ఆశిష్‌ మిశ్రాకు బెయిల్‌

లఖింపూర్‌ ఖీరీ హింసాత్మక ఘటన కేసులో కేంద్ర మాజీ మంత్రి అజయ్‌ మిశ్రా కుమారుడు ఆశిష్‌ మిశ్రాకు సుప్రీంకోర్టు సోమవారం బెయిల్‌ మంజూరు చేసింది. ఆయన ఢిల్లీ లేదా లక్నోలో మాత్రమే ఉండాలని షరతు విధించింది.

న్యూఢిల్లీ, జూలై 22: లఖింపూర్‌ ఖీరీ హింసాత్మక ఘటన కేసులో కేంద్ర మాజీ మంత్రి అజయ్‌ మిశ్రా కుమారుడు ఆశిష్‌ మిశ్రాకు సుప్రీంకోర్టు సోమవారం బెయిల్‌ మంజూరు చేసింది. ఆయన ఢిల్లీ లేదా లక్నోలో మాత్రమే ఉండాలని షరతు విధించింది.

కేసు విచారణను వేగవంతం చేయాలని ట్రయల్‌ కోర్టును ఆదేశించింది. 2021లో వ్యవసాయ చట్టాలకు వ్యతిరేకంగా ఉద్యమిస్తున్న రైతులపైకి ఆశిష్‌ మిశ్రా కాన్వాయ్‌ దూసుకెళ్లడంతో నలుగురు రైతులు ప్రాణాలు కోల్పోయిన విషయం తెలిసిందే. అనంతర ఘర్షణలో మరో నలుగురు మృతిచెందారు. ఈ కేసులో గతేడాది జనవరి 25న కోర్టు మిశ్రాకు మధ్యంతర బెయిల్‌ ఇచ్చింది. 114 మంది సాక్షుల్లో కేవలం ఏడు మందిని ఇప్పటి వరకు విచారించడంపై ధర్మాసనం అసంతృప్తి వ్యక్తం చేసింది. రోజుకు అయిదు మందికి తక్కువ కాకుండా విచారణ చేయాలని ఆదేశించింది.