శ్రీకృష్ణ జన్మభూమి వివాదంపై నివేదికివ్వండి

మథురలోని శ్రీకృష్ణ జన్మభూమి స్థల వివాదంపై పూర్తి నివేదికను సమర్పించాలని అలహాబాద్‌ హైకోర్టు రిజిస్ట్రార్‌ను సుప్రీంకోర్టు ఆదేశించింది. జస్టిస్‌ సంజయ్‌ కిషన్‌ కౌల్‌, జస్టిస్‌ సుధాంశు ధూలియాలతో కూడిన ధర్మాసనం దీనిపై శుక్రవారం విచారణ జరిపింది.

న్యూఢిల్లీ: మథురలోని శ్రీకృష్ణ జన్మభూమి స్థల వివాదంపై పూర్తి నివేదికను సమర్పించాలని అలహాబాద్‌ హైకోర్టు రిజిస్ట్రార్‌ను సుప్రీంకోర్టు ఆదేశించింది. జస్టిస్‌ సంజయ్‌ కిషన్‌ కౌల్‌, జస్టిస్‌ సుధాంశు ధూలియాలతో కూడిన ధర్మాసనం దీనిపై శుక్రవారం విచారణ జరిపింది.

ఈ అంశంపై మథుర జిల్లా కోర్టులో విచారణలో ఉన్న అన్నీ పిటిషన్లను తమకు బదిలీ చేయాలని అలహాబాద్‌ హైకోర్టు మే 26న ఉత్తర్వులు ఇచ్చింది. దీన్ని సవాల్‌ చేస్తూ షాహిద్‌ మసీదు ఈద్గా మేనేజ్‌మెంట్‌ ట్రస్ట్‌ ఉన్నత న్యాయస్థానాన్ని ఆశ్రయించింది.