Tobacco | దేశంలో పాన్‌, పొగాకుపై పెరిగిన వ్యయం.. తమ సంపాదనలో పెద్దమొత్తంలో ఖర్చుచేస్తున్న ప్రజలు

గత దశాబ్ద కాలంలో భారత్‌లో పాన్‌, పొగాకు, ఇతర మత్తు పదార్ధాల వినియోగం బాగా పెరిగిందని, ప్రజలు తమ సంపాదనలో పెద్దమొత్తం వీటికి ఖర్చు చేస్తున్నారని ఒక సర్వే వెల్లడించింది. అదే సమయంలో విద్యపై ఖర్చు తగ్గింది.

Tobacco | న్యూఢిల్లీ: గత దశాబ్ద కాలంలో భారత్‌లో పాన్‌, పొగాకు, ఇతర మత్తు పదార్ధాల వినియోగం బాగా పెరిగిందని, ప్రజలు తమ సంపాదనలో పెద్దమొత్తం వీటికి ఖర్చు చేస్తున్నారని ఒక సర్వే వెల్లడించింది. అదే సమయంలో విద్యపై ఖర్చు తగ్గింది. 2022-23కి సంబంధిం చి గృహ వినియోగ వ్యయం సర్వే వివరాలను గత వారం విడుదల చేశారు. పాన్‌, పొగాకుపై ప్రజల ఖర్చు గ్రామాలతో పాటు పట్టణాల్లో కూడా పెరిగిందని సర్వే తెలిపింది.

2011-12లో గ్రామీణ ప్రాంతాల్లో వీటి వినియోగ వ్యయం 3.21 శాతం ఉండగా, 2022-23 నాటికి అది 3.79 శాతానికి పెరిగింది. అలాగే పట్టణ ప్రాంతాల్లో 1.63% నుంచి 2.43 శాతానికి పెరిగింది. అదే సమయంలో ఈ కాలానికి విద్యపై పెట్టిన వ్యయం పట్టణ ప్రాంతాల్లో 6.9% నుంచి 5.78 శాతానికి, గ్రామీణ ప్రాంతాల్లో 3.49% నుంచి 3.30 శాతానికి తగ్గడం గమనార్హం.