OSD’s tweet : మరింత గొప్పగా తిరిగొస్తున్నారు : అమరీందర్‌ సింగ్‌ ఓఎస్డీ ట్వీట్‌ సంచలనం

OSD’s tweet : పంజాబ్ మాజీ ముఖ్యమంత్రి కెప్టెన్‌ అమరీందర్ సింగ్ ఓఎస్డీ చేసిన ట్వీట్‌ పంజాబ్‌లో సంచలనం రేపుతున్నది. తాజాగా ట్విట్టర్‌లో అమరీందర్‌ సింగ్‌ గురించి...

September 22, 2021 / 07:55 PM IST

OSD’s tweet : మరింత గొప్పగా తిరిగొస్తున్నారు : అమరీందర్‌ సింగ్‌ ఓఎస్డీ ట్వీట్‌ సంచలనం

అమృత్ సర్: (OSD’s tweet) పంజాబ్ మాజీ ముఖ్యమంత్రి కెప్టెన్‌ అమరీందర్ సింగ్ ఓఎస్డీ చేసిన ట్వీట్‌ పంజాబ్‌లో సంచలనం రేపుతున్నది. తాజాగా ట్విట్టర్‌లో అమరీందర్‌ సింగ్‌ గురించి పోస్ట్‌ చేయడం ద్వారా కొత్త రాజకీయ వివాదానికి ఆయన ఓఎస్డీ కారణమయ్యారు. మాజీ ముఖ్యమంత్రి ఓఎస్డీగా నరేందర్ భాంబ్రి ఉన్నారు.

ముఖ్యమంత్రి పదవికి రాజీనామా చేసిన తర్వాత కెప్టెన్ అమరీందర్‌ సింగ్‌ తదుపరి ఇన్నింగ్స్ కోసం పంజాబ్ రాజకీయ వర్గాలు మొత్తం ఆసక్తిగా ఎదురుచూస్తుండగా.. ఆయన ఓఎస్డీ చేసిన ట్వీట్ సంచలనం రేపుతున్నది. ‘మరింత గొప్పగా తిరిగొస్తున్నారు..’ అంటూ కెప్టెన్‌ ఓఎస్డీ నరేందర్‌ భాంబ్రి పోస్ట్‌ పెట్టారు. ఈ పోస్ట్‌ పంజాబ్‌లో రాజకీయంగా దుమారం రేపుతున్నది. ఈ పోస్ట్‌ చదివిన ప్రతీ ఒక్కరూ కనుబొమ్మలు ఎగరేస్తున్నారు. కెప్టెన్‌ మళ్లీ ఎలా తిరిగి వస్తున్నారు? ఆయనను ఏ పదవిలో కూర్చోబెడుతున్నారు? అని సర్వత్రా చర్చించుకుంటున్నారు.

సెప్టెంబర్ 18 న పంజాబ్ ముఖ్యమంత్రి పదవికి అమరీందర్ సింగ్ రాజీనామా చేశారు. తనకు అవమానం జరిగినట్లు భావించి పదవి నుంచి తప్పుకున్నానని అమరీందర్‌ సింగ్‌ చెప్పారు.
ఆయన రాజీనామా చేసినప్పటి నుంచి కెప్టెన్ రాజకీయ భవిష్యత్‌పై రకరకాల ఊహాగానాలు చెలరేగుతున్నాయి. రాజీనామా పత్రాన్ని సమర్పించిన అనంతరం తన మద్దతుదారులను సంప్రదించిన తర్వాత భవిష్యత్‌ కార్యాచరణను ప్రకటిస్తానని కెప్టెన్‌ చెప్పారు.